کولکاتہ ،17؍اپریل ( ایس او نیوز؍آئی این ایس انڈیا )کچھ ریاستوں میں کیش کی کمی کی خبروں پر رد عمل ظاہر کرتے ہوئے مغربی بنگال کی وزیر اعلی ممتا بنرجی نے آج کہا کہ اس نے نوٹ بندی کے دنوں کی یادیں تازہ کر دی ہے۔انہوں نے کہا کہ کئی ریاستوں میں اے ٹی ایم مشینوں میں پیسہ نہیں ہونے کی خبریں ملی ہیں۔بڑے نوٹ غائب ہیں۔نوٹ بندی کے دنوں کی یاد ہے ملک میں کیا مالی ہنگامی صورتحال بنی ہوئی ہے؟کم از کم چھ ریاست مثلا گجرات، مشرقی مہاراشٹر، مدھیہ پردیش، بہار، آندھرا پردیش اور تلنگانہ میں کیش رقم کی کمی کی خبر ہے۔مرکزی وزیر خزانہ ارون جیٹلی نے حالانکہ کہا ہے کہ چلن میں زیادہ کرنسی ہے اور کچھ ریاستوں میں جو عارضی کمی ہے اسے جلد حل کر لیا جائے گا۔.انہوں نے یقین دلایاکہ مجموعی طور پر زیادہ کرنسی چلن میں ہے اور یہ بینکوں کے پاس بھی دستیاب ہے۔کچھ ریاستوں میں غیر معمولی طور پر اچانک کرنسی کی مانگ بڑھنے سے پیدا ہوئی کرنسی کی عارضی کمی کو جلد دور کر لیا جائے گا۔