پنتھرس کی وفدکی گورنرسے ملاقات، جموں وکشمیراسمبلی کوتحلیل کرنے کی مانگ

Source: S.O. News Service | By Shahid Mukhtesar | Published on 11th November 2018, 12:10 AM | ملکی خبریں |

جموں،10؍ نومبر (ایس او نیوز؍آئی این ایس انڈیا)جموں وکشمیرنیشنل پنتھرس پارٹی کے ایک وفد نے آج یہاں پروفیسر بھیم سنگھ کی قیادت میں جموں وکشمیر کے گورنر ستیہ پال ملک سے ملاقات کی۔اس وفد میں پارٹی کے چیرمین ہرشدیو سنگھ، مسٹر بلونت سنگھ منکوٹیا، مسٹر یشپال کنڈل اور محترمہ انیتا ٹھاکر شامل تھیں جنہوں نے گورنر سے ملاقات کے دوران ریاست کی موجودہ سیاسی صورتحال پر بات چیت کی۔ پنتھرس لیڈروں نے گورنر کے ذریعہ بدعنوانی کے خاتمہ کے لئے گورنر کے پہل کرنے کی تعریف کرتے ہوئے ان سیاستدانوں اور افسر شاہوں کے خلاف کارروائی کرنے کا مطالبہ کیا جنہوں نے بی جے پی ۔پی ڈی پی کی چارسالہ حکومت کے دوران ریاست میں بدعنوانی کو بڑھاوا دیا۔پارٹی کے سرپرست اعلیٰ پروفیسر بھیم سنگھ نے گورنر سے ریاست کی حدبندی کرانے کے آرڈی ننس جاری کرنے کی اپیل کی جس سے ریاست کے سبھی خطوں کو سیاسی اور اقتصادی طاقت کا برابر حصہ مل سکے۔انہوں نے ان ریاستی اسمبلی کو فوری طورپر تحلیل کرنے کی بھی مانگ کی جس سے ریاست میں نئے انتخابات کرانے کا راستہ ہموارہوسکے۔انہوں نے کہا کہ ملک میں اس طرح کی کوئی مثال نہیں ہے کہ پانچ مہینہ سے معطل اسمبلی کے دوران ٹیکس دہندگان کے پیسے سے اراکین اسمبلی کو تمام سہولتیں دی جاتی رہی ہوں ۔پارٹی کے چیئرمین ہرشدیو سنگھ نے گورنرکی توجہ ریاست میں افسر شاہوں کی بدعنوانی کی طرف مبذول کرائی جوعوام کے درمیان علاحدگی پسندی کی سوچ کو بڑھاوا دینے کے لئے ذمہ دار ہے۔انہوں نے کہا کہ کچھ افسر بدعنوانی اور گھپلہ کے الزامات کے باوجود ڈیوٹی پر تعینات ہیں جس کا ریاست میں شروع کئے گئے ترقیاتی کاموں پر منفی اثرپڑرہا ہے۔انہوں نے کہا کہ منریگا اسکیم کے تحت الاٹ فنڈ کی لوٹ کی وجہ سے گزشتہ دو تین سال سے دیہی لوگ اپنی سخت محنت کے معاوضہ سے محروم ہیں۔انہوں نے ڈی آر ڈبلیو، آر ای ٹی کانٹریکٹ، منریگا مزدوروں، این ایچ ایم اور ایف ایم پی ایچ ڈبلیو کی جائز مانگوں کے ساتھ ساتھ آنگن واڑی اورآشا ورکروں کے معاملات جلد حل کرانے کا مطالبہ کیا۔مسٹر بلونت سنگھ منکو ٹیا نے سدل گاوں کی طرف گورنر کی توجہ دلائی کہ،جنہیں 2014میں آئے سیلاب کی وجہ سے بھاری نقصان ہوا تھا، معاملات حل کرنے کی درخواست کی ۔انہوں نے فوج کے ذریعہ ادھمپور میں تحویل میں لی گئی کسانوں کی زمین کا انہیں جلد از جلد معاوضہ دینے کا مطالبہ کیا۔مسٹر یشپال کنڈل نے حکومت کے اس وعدے کو پورا کرنے کی درخواست کی جس میں سرحدی علاقوں میں رہنے والے لوگوں کو محفوظ علاقہ میں پانچ مرلہ زمین دیئے جانے کے لیے کہا گیا تھا۔گورنرنے سبھی پنتھر س لیڈروں کی بات توجہ کے ساتھ سنی اور انہیں یقین دلایا کہ ان کے جائزمطالبات کوجلدحل کیاجائے گا۔

ایک نظر اس پر بھی

کاروار بوٹ حادثہ: زندہ بچنے والوں نے کیا حیرت انگیز انکشاف قریب سے گذرنے والی بوٹوں سے لوگ فوٹوز کھینچتے رہے، مدد نہیں کی؛ حادثے کی وجوہات پر ایک نظر

کاروار ساحل سمندر میں پانچ کیلو میٹر کی دوری پر واقع جزیرہ کورم گڑھ پر سالانہ ہندو مذہبی تہوار منانے کے لئے زائرین کو لے جانے والی ایک کشتی ڈوبنے کا جو حادثہ پیش آیا ہے اس کے تعلق سے کچھ حقائق اور کچھ متضاد باتیں سامنے آرہی ہیں۔ سب سے چونکا دینے والی بات یہ ہے کہ کشتی جب  اُلٹ ...

ای وی ایم تنازعہ: کپل سبل نے کہا 'ذاتی حیثیت سے گیا تھا لندن، کانگریس کا کوئی لینا دینا نہیں'۔

  کانگریس کے سینئر لیڈر کپل سبل نے بھارتیہ جنتاپارٹی (بی جے پی)کےلیڈر اوروزیرقانون روی شنکر پرساد کےان الزامات کو منگل کو پوری طرح سے بے بنیاد بتاکہ لندن میں الیکٹرانک ووٹنگ مشین (ای وی ایم )سے متعلق پریس کانفرنس کا اہتمام کانگریس نے کیاتھا اورواضح کیاکہ وہ اس میں ذاتی حیثیت ...

مدارس کو اگربند نہیں کیا گیا توآئی ایس آئی ایس حامی ہوجائیں گے مسلم بچے، وسیم رضوی نے وزیراعظم کو خط لکھ کرکیا مطالبہ

اپنے متنازعہ بیانات  کے سبب اکثرسرخیوں میں رہنے والے اترپردیش شیعہ وقف بورڈ کے چیئرمین وسیم رضوی نے وزیراعظم نریندرمودی کوخط لکھ کربنیادی سطح تک کے سبھی مدارس کوبند کرنے کا مشورہ دیا ہے۔

اپنے کسی بھی ممبر اسمبلی کو لوک سبھا انتخابات میں نہیں اتارے گی عام آدمی پارٹی

عام آدمی پارٹی آئندہ لوک سبھا انتخابات میں اپنے موجودہ  ممبراسمبلی اور وزرا کو ٹکٹ نہیں دے گی۔ عآپ کے سینئر لیڈر گوپال رائے نے منگل کو یہ جانکاری دی ہے۔ عام آدمی پارٹی کی دہلی یونٹ کے صدر رائے نے ساتھ ہی کہا کہ انتخابات کی اطلاع جاری ہونے سے کافی پہلےہی دہلی م پنجاب اور ہریانہ ...

الیکٹرانک ووٹنگ مشینوں پر چندرابابوکوشبہات

الکٹرانک ووٹنگ مشینوں (ای وی ایمس)کے استعمال پر تشویش کا اظہار کرتے ہوئے اے پی کے وزیراعلی و تلگودیشم پارٹی کے قومی صدر این چندرابابونائیڈو نے کہا کہ ان مشینوں میں الٹ پھیر کے کئی ثبوت پائے گئے ہیں