بھٹکل:13/ جنوری (ایس اؤنیوز)مرڈیشور میلہ کی مناسبت سے باکڑے کی عارضی تعمیر کے دوران پاس میں موجود ٹرانسفرمر کی بجلی چھوجانے سے دولوگ بے ہوش ہونے سے سپتال میں داخل کئے جانے کا واقعہ سنیچر کو پیش آیاہے۔
بجلی شاق کی وجہ سے غش کھائے دکانداروں کی شناخت سندگی کے سدلنگا ششونال (19) اور مرڈیشور ماولی کے دیوی داس گوئیدو ہریکانت (35)کے طورپر کی گئی ہے۔ بولی میں باکڑا حاصل کرکے عارضی دکان کی تعمیر کے دوران لوہے کی سلاخ کے ذریعے دونوں کو بجلی کے جھٹکے لگے ہیں۔ سدلنگا ششونال کے ہاتھ اور پیر زخمی ہوئے ہیں ، اس کو بچانے گئے دیوی داس کو بھی جھٹکا لگنے سے وہیں غش کھا کر گرگیا۔اس وقت دونوں بھٹکل سرکاری اسپتال میں زیر علاج ہیں۔ دونوں کی جان خطرے سے باہر ہے۔ پولس جائے وقوع پہنچ کر معائنہ کیا ہے۔