اندھیری میں دوا کمپنی میں آتشزدگی سے افراتفری
ممبئی،11؍ ستمبر (ایس او نیوز؍آئی این ایس انڈیا)اندھیر ی مشرق میں واقع ناگرداس روڈ پر مدھو انڈسٹریل اسٹیٹ میں دوا کمپنی میں منگل کی صبح اچانک آگ لگ جانے سے یہاں کھلبلی مچ گئی۔ اس واقعہ کی اطلاع ملتے ہیں فائر بریگیڈ کی 5گاڑیاں فوراً موقع پرپہنچی اور آگ بجھانے کا کام شروع کیا۔ اس دوران کمپنی میں کام کرنے والے تمام لوگوں کو باہر نکال دیا گیا۔ تادم تحریر آتشزدگی کے اس واقعہ میں کسی طرح کی جانی نقصان کی کوئی اطلاع موصول نہیں ہو ئی تھی۔ موصولہ اطلاعات کے مطابق اندھیری مشرق میں مدھوانڈسٹریل اسٹیٹ کی دوسری منزل پر واقع دوا کمپنی میں منگل کی صبح آگ لگ گئی۔ اس کی اطلاع ملتے ہی یہاں کھلبلی مچ گئی۔ اس میں کام کرنے والے مزدوربے تہاشہ بھاگنے لگے۔دیکھتے دیکھتے آگ نے شدید شکل اختیار کر لی اور پوری عمارت کو اپنے قبضہ میں لے لیا۔ فائر بریگیڈ کے جوانوں بڑی مشقت کے بعد آگ پر قابو پایا۔ اس دوران مقامی پولس نے لوگوں کو موقع سے دور رکھا۔