نئی دہلی8دسمبر(ایس او نیوز؍آئی این ایس انڈیا) جموں وکشمیر میں سیکورٹی فورسز نے اس سال اب تک 230 سے زیادہ دہشت گردوں کو مار گرایا ہے جبکہ پتھراؤ کے واقعات میں زخمی ہونے والوں کی تعداد میں کمی آئی ہے۔حکام نے ہفتہ کو بتایا کہ 25 جون سے 14 ستمبر کے درمیان 80 دن کی مدت میں تقریباََ51 دہشت گرد مارے گئے جبکہ 15 ستمبر سے پانچ دسمبر کے درمیان 85 دہشت گرد ڈھیر ہوئے ہیں۔افسر نے کہاہے کہ اس سال اب تک 232 دہشت گرد مارے گئے جبکہ غیر ملکیوں سمیت 240 دہشت گرد وادی کشمیر میں سرگرم ہیں۔اس سال 25 جون سے 14 ستمبر کے درمیان پتھر بازی کے واقعات میں سکیورٹی سمیت آٹھ افراد کی جان گئی جبکہ216 دیگر زخمی ہوئے۔ افسر نے کہا کہ اس کے بعد کے 80 دن یعنی 15 ستمبر سے پانچ دسمبر کے درمیان ان واقعات میں صرف دو لوگوں کی موت ہوئی جبکہ 170 زخمی ہوئے۔ایک اور اہلکار نے کہا کہ بی جے پی کی طرف سے محبوبہ مفتی کے زیر قیادت حکومت سے حمایت واپس لینے اور 19 جون کو ریاست میں گورنر راج لگائے جانے کے بعد وادی کشمیر کی سلامتی کی صورتحال میں بہتری آئی ہے۔