گوا میں ایم جی پی-شیوسینا-جی ایس ایم کا مہاگٹھ بندھن

Source: S.O. News Service | Published on 10th January 2017, 10:45 PM | ملکی خبریں |

پنجی، 10/جنوری(ایس او نیوز/آئی این ایس انڈیا)حکمران بی جے پی کے لیے مشکل کھڑی کرتے ہوئے مہاراشٹروادی گومانتک پارٹی(ایم جی پی) گوا سرکشا منچ (جی ایس ایم)اور این ڈی اے کی اتحادی پارٹی شیوسینا نے اگلے ماہ آئندہ گوا اسمبلی انتخابات کے لیے آج مہاگٹھ بند ھن کی تشکیل کا اعلان کردیا۔جی ایس ایم آر ایس ایس کے باغی سبھاش ویلنگکر نے بنائی ہے جبکہ ریاست کی سب سے پرانے علاقائی پارٹی  ایم جی پی نے حال ہی میں بی جے پی سے رشتہ ختم کرتے ہوئے لکشمی کانت پارسیکر کابینہ سے اپنے دو وزراء کو ہٹالیا تھا۔جی ایس ایم لیڈر ویلنگکر اور شیوسینا لیڈر سنجے راوت کی موجودگی میں ایم جی پی لیڈر سدین دھولیکر نے یہاں نامہ نگاروں کو بتایاکہ آئندہ گوا اسمبلی انتخابات کے دوران یہ تینوں پارٹیاں آپس میں سیٹوں کی تقسیم کریں گی، یہ ایک جیسے نظریات والی طاقتوں  کے درمیان مہاگٹھ بند ھن ہو گا۔گوا اسمبلی کی تمام 40میں سے 35سیٹوں پر انتخاب لڑ رہے مہاگٹھ بندھن نے سدین کو اپنا وزیر اعلی کے عہدے کا چہرہ بنایا ہے، تاہم انہوں نے باقی کی پانچ سیٹوں پر ابھی اپنا رخ واضح نہیں کیا۔دھولیکر نے بتایا کہ شیوسینا 4 جبکہ جی ایس ایم6 سیٹوں پر اپنے امیدوار کھڑے کریں گی، باقی بچی سیٹوں پر ایم جی پی اپنے امیدوار اتارے گی۔مرکز اور مہاراشٹر میں بی جے پی کی اتحادی جماعت شیوسینا پہلی بار گوا میں اقتدار میں آنے کی سخت کوشش کر رہی ہے۔

ایک نظر اس پر بھی

گؤ کشی کے نام پر ایک اور مسلمان کا قتل: خوفناک ویڈیووائرل،65سالہ معمر شخص کو بے رحمی سے پیٹتے ہوئے نظر آرہے ہیں گؤ اتنگی، 5دن میں صرف 2/افراد گرفتار 

ہاپوڑ میں مبینہ گؤ کشی کے الزام میں قاسم نامی شخص کا پیٹ پیٹ کر قتل کردیاگیا تھا جبکہ ایک دوسرا شخص سمیع الدین اس واقعہ میں زخمی ہوگیاتھا۔ اب اس واقعہ سے ملتا ہوا ایک اور ویڈیو وائرل ہورہاہے۔ اس ویڈیو میں بھیڑ کا خوفناک چہرہ دیکھا جاسکتا ہے۔ وائرل ہورہے اس ویڈیو میں 65سالہ معمر ...

پہلی بار دورۂ جموں پر امیت شاہ کے بڑے بڑے بول ، علیحدگی کا ٹھیکرا کانگریس کے سر پھوڑا،حلیف حکومت کے باوجودمفتی سرکار کو ناکام کہا 

آج جن سنگھ کے بانی ڈاکٹر شیاما پرساد مکھرجی کی برسی پر بی جے پی نے جموں میں بڑی ریلی کی جسے امت شاہ نے خطاب کیا۔ امت شاہ نے کہا کہ کانگریس بتائے کہ ان کی پارٹی اور لشکر میں کیا تعلق ہے کیونکہ کانگریس لیڈر غلام نبی آزاد کا بیان آتے ہی لشکر نے اس کی حمایت کی تھی ۔

سری نگر میں انٹرنیٹ خدمات بحال، اننت ناگ، پلوامہ میں پابندی برقرار 

سری نگر میں آج موبائل انٹرنیٹ سروس بحال کر دی گئی۔ اگرچہ اننت ناگ اور پلوامہ اضلاع میں اس پر لگی پابندی ابھی جاری رہے گی اس سے پہلے کل قانون اور نظام برقرار رکھنے کے لئے احتیاط کے طور پر ان کی خدمات کو معطل کر دی گئی تھی۔