دار العلوم عزیزیہ میں مولانا محمد سالم قاسمی رحمۃ اللہ کے لئے قرآن خوانی اور تعزیتی اجلاس

Source: S.O. News Service | By Shahid Mukhtesar | Published on 16th April 2018, 12:00 AM | ملکی خبریں |

ممبئی15؍ اپریل(ایس او نیوز؍ پریس ریلیز) دارالعلوم عزیزیہ،میرا روڈ،ممبئی میں آج حضرت مولانا محمد سالم قاسمی رحمۃ اللہ علیہ کے لئے قرآن خوانی کا اہتمام کیا گیا اور اس کے بعد ایک تعزیتی اجلاس زیر صدارت مولانا محمد شرافت حسین مظاہری (صدر المدرسین) منعقد ہوا۔

اس اجلاس کو مخطب کرتے ہوئے مولانا محمد عارف عمری استاد دار العلوم عزیزیہ نے کہا کہ حضرت والا کی خاندانی نسبت بانی دار العلوم دیوبند سے ہے اور اس ادارے نے دین اسلام کی جو لا زوال خدمت انجام دی ہے وہ اپنی مثال آپ ہے۔

مولانا شرافت حسین مظاہری نے اپنے صدارتی خطاب میں فرمایا کہ حضرت مولانا نے اپنی پوری زندگی مذہبی تعلیم کے حصول اور اس کی تعلیم میں بسر کی جو ایک مومن کا مقصود اصلی ہے۔

دار العلوم عزیزیہ کے ایک طالب علم محمد شریف نے دار العلوم عزیزیہ کے استاد مولانا عنایت اللہ صاحب کے مرتب کردہ منظوم مرثیہ کو بڑے والہانہ انداز میں پڑھا ۔اور آخر میں صدر اجلاس کی پر سوز دعا پر یہ مجلس اختتام پذیر ہوئی ۔

ایک نظر اس پر بھی

اعظم خان کے سامنے بی جے پی کا کوئی بھی ہتھکنڈہ کارگر نہیں ہوگا: مایاوتی

اترپردیش کے رامپور پارلیمانی سیٹ سے سماجوادی کے قدآور لیڈر و پارٹی امیدوار اعظم خان کی حمایت میں ووٹروں سے ووٹ کرنے کی اپیل کرتی ہوئیں بی ایس پی سپریمو مایاوتی نے کہا کہ مرکز میں برسراقتدار پارٹی لاکھ ہتھکنڈے اپنائے لیکن رامپور سے اتحاد کے امیدوار اعظم خان کی جیت یقینی ہے۔

مودی چنندہ صنعت کاروں کے چوکیدار، عوام دوسرا موقع نہیں دے گی: راہل گاندھی

کانگریس صدر راہل گاندھی نے آج کہاکہ ملک کی چوکیداری کرنے کا دعویٰ کرنے والے وزیراعظم نریندر مودی حقیقت میں انیل امبانی سمیت کچھ چنندہ صنعت کاروں کے چوکیدار ہیں اس لئے عوام نے انہیں ڈیوٹی سے ہٹانے کا من بنا لیا ہے۔

فلم کے بعد پی ایم مودی پربنی ویب سیریز کے نشریات پربھی الیکشن کمیشن نے لگائی روک

وزیر اعظم نریندر مودی کے ساتھ منسلک ایک ویب سیریز کو الیکشن کمیشن کی جانب سے جھٹکا لگا ہے۔دراصل الیکشن کمیشن نے اس ویب سیریز کو ریلیز کر رہے پلیٹ فارمس ارس ناؤ کو نوٹس جاری کر اسے فوری اثر سے ہٹانے کا حکم دیا ہے۔