پی ایم اوکے اشارے پرممتااورنائیڈوکومجھ سے ملنے نہیں دیاگیا،کجریوال نے پھرمودی کونشانہ بنایا،کہا،دہلی میں غیراعلانیہ ایمرجنسی نافذ
نئی دہلی 18جون ( ایس او نیوز؍آئی این ایس انڈیا ) دہلی کے لیفٹیننٹ گورنر انل بیجل کی طرف سے مغربی بنگال کی وزیراعلیٰ ممتا بنرجی اور آندھرا پردیش کے وزیراعلیٰ چندرابابونائیڈو کو لیفٹیننٹ گورنر کی رہائش گاہ پر دھرنے پر بیٹھے دہلی کے وزیراعلیٰ اروند کیجریوال سے ملنے کی اجازت نہیں دی جانے کی اطلاعات کے درمیان مسٹر کیجریوال نے ہفتہ کو الزام لگایا کہ ایسا وزیر اعظم کے دفتر کی ہدایت پر کیا گیا ہے۔مسٹرکیجریوال نے ٹویٹ کیا، ’’میں نہیں سمجھتا کی معزز لیفٹیننٹ گورنر خود ایسا فیصلہ کر سکتے ہیں۔ قدرتی طور پر سے پی ایم اونے انہیں ایسا کرنے کی ہدایت دی ہے۔ جیساکہ آئی اے ایس افسران کی ہڑتال کی طرح پی ایم او اشارے پر چل رہی ہے‘‘۔اطلاعات کے مطابق محترمہ بنرجی اور مسٹر نائیڈو نے لیفٹیننٹ گورنر سے مسٹر کیجریوال سے ملنے کی اجازت مانگی تھی لیکن انہیں منع کر دیا گیا۔ بتایا جا رہا ہے کہ اب یہ دونوں لیڈر مسٹر کیجریوال کے سرکاری رہائش گاہ پر جائیں گے اور وہاں سے پیدل راج نواس جائیں گے۔اس دوران نائب وزیر اعلی منیش سسودیا نے بھی ٹویٹ کر کے کہا کہ وزیر اعظم کا دفتر دوسری ریاستوں کے وزرائے اعلیٰ کو مسٹر کیجریوال سے ملنے سے کس طرح روک سکتا ہے۔انہوں نے کہا، ’’کیا دہلی میں غیر اعلانیہ ایمرجینسی لاگوہے؟‘‘مسٹر کیجریوال اور ان کے تین وزیر گزشتہ چھ دن سے لیفٹیننٹ گورنر کی رہائش گاہ پر دھرنے پر بیٹھے ہوئے ہیں۔وہ دہلی حکومت کے دفاتر میں آئی اے ایس افسران کی مبینہ ہڑتال ختم کروانے اور کچھ دیگر مطالبات کو لے کر دھرنے پرہیں‘‘۔