وریندر دیو دکشت کے خلاف لک آؤٹ سرکلر جاری:سی بی آئی
نئی دہلی،05؍ فروری (ایس او نیوز؍آئی این ایس انڈیا) سی بی آئی نے آج دہلی ہائی کورٹ کو بتایا کہ قومی دارالحکومت کے ایک آشرم میں خواتین اور لڑکیوں کو مبینہ طور پر قید رکھنے والے وریندر دیو دکشت کے خلاف لک آؤٹ سرکلر (ایل او سی) جاری کیا گیا ہے۔ایگزیکٹیو چیف جسٹس گیتا متل اور جسٹس سی ہری شنکر نے پوچھا تھا کہ کیا دکشت اپنے آشرم اور اپنے خلاف درج شکایت کو لے کر چل رہی جانچ میں شامل ہوا ہے یا نہیں جس کے بعد سی بی آئی نے عدالت کو یہ معلومات دی۔سماعت کے دوران عدالت نے یہ بھی کہا کہ یونیورسٹی گرانٹ کمیشن ایکٹ کی تعریف کے مطابق آشرم یونیورسٹی نہیں ہے لہٰذا یہ اپنے آپ کو یونیورسٹی کے طور پر پیش نہیں کر سکتا ہے۔ عدالت نے یہ بھی کہاکہ اتر دہلی کے روہنی علاقے میں واقع روحانی مرکز کو یونیورسٹی کی کوئی قانونی حیثیت حاصل نہیں تھا۔یہ نہ تو رجسٹرڈ سوسائٹی ہے اور نہ ہی کمپنی قانون کے تحت کورپوریٹ ادارہ ہے۔بہرحال بنچ نے آشرم کی طرف سے یونیورسٹی کا نام استعمال کرنے پر روک لگانے کا حکم نہیں دیا کیونکہ آشرم کے وکیل نے کہا کہ حکم دینے سے پہلے انہیں سنا جائے۔وکیل نے یہ بھی بتایا کہ آشرم کو لے کر یو جی سی کا علاقہ نہیں ہے کیونکہ اسے بھگوان اپنے ترمیم کے ذریعہ چلا رہے ہیں اوربھگوان خود ہی تعلیمات دیتے ہیں۔عدالت نے اگلی سماعت کی تاریخ آٹھ فروری مقرر کی ہے۔بنچ ایک مفاد عامہ کی عرضی پر سماعت کر رہی تھی جس میں ایک این جی او نے کئی الزام لگائے ہیں۔این جی او کا الزام ہے کہ روہنی میں روحانی یونیورسٹی میں لڑکیوں اورخواتین کوغیر قانونی طریقے سے قید کرکے رکھا گیا تھا۔