کے ایم پی ایکسپریس وے کامودی نے کیا افتتاح ،سابقہ حکومتوں پرکیا حملہ 

Source: S.O. News Service | By Jafar Sadique Nooruddin | Published on 19th November 2018, 10:40 PM | ملکی خبریں |

پلول:19/نومبر(ایس او نیوز/آئی این ایس انڈیا)وزیر اعظم نریندر مودی نے کنڈلی-مانیسر-پلول ایکسپریس وے کے کنڈلی-مانیسر سیکشن اور گروگرام سے بلبھ گڑھ-مجیسر میٹرو ریل لنک کا افتتاح کیا۔اس موقع پر وزیراعظم مودی نے کہا کہ کنڈلی مانیسر-پلول ایکسپریس وے کو ملک کو وقف کرنے کا موقع ملا ہے،اس کا پہلا مرحلہ 2سال پہلے مکمل ہوا۔دوسرا مرحلہ جو کنڈلی سے مانیسر تک 83کلو میٹر ہے،اس کا آج افتتاح کیا گیا ہے۔اس کے ساتھ ہی 135کلومیٹرکایہ ایکسپریس وے اب مکمل ہو گیا ہے۔انہوں نے کہا کہ اس ایکسپریس وے کااستعمال دولت مشترکہ کھیلوں میں ہونا تھا لیکن دولت مشترکہ کھیلوں کاجوحال ہوا،وہی حال اس ایکسپریس وے کا بھی ہوا۔میں جانتا ہوں کہ جب میں نے اس منصوبے کی پیش رفت کی میٹنگ میں جائزہ لیناشروع کیاتھا تو کتنی پیچ کا پتہ چلا۔سابقہ حکومتوں پر حملہ کرتے ہوئے مودی نے کہا کہ جس طرح کام ہوا ، وہ ایک کیس اسٹڈی ہے کہ کس طرح عوامی پیسہ ضائع کیاجاتا ہے،جب اس منصوبے کا آغاز ہوا تو اندازہ لگایا گیا کہ اس کی 1200کروڑ روپے لاگت ہوگی،اتنے سالوں کی تاخیر کی وجہ سے اس کی لاگت میں 3گنا زیادہ اضافہ ہوگیا۔وزیراعظم مودی نے کہا کہ لوگ وہی ہیں، کام کرنے والے لوگ بھی وہی ہیں لیکن جب عزم اورحوصلہ ہوتو کوئی ہدف حاصل کیاجاسکتا ہے۔یہی وجہ ہے کہ جہاں سال 2014سے پہلے ملک میں ایک دن میں صرف 12کلومیٹر موٹروے بنتے تھے، آج تقریبا 27کلومیٹر موٹروے روزانہ بن رہے ہیں۔

ایک نظر اس پر بھی

جے پی سی سے جانچ کرانے کا راستہ ا بھی کھلا ہے، عام آدمی پارٹی نے کہا،عوام کی عدالت اورپارلیمنٹ میں جواب دیناہوگا،بدعنوانی کے الزام پرقائم

آپ کے راجیہ سبھا رکن سنجے سنگھ نے کہا ہے کہ رافیل معاملے میں جمعہ کو آئے سپریم کورٹ کے فیصلے کے باوجود متحدہ پارلیمانی کمیٹی (جے پی سی) سے اس معاملے کی جانچ پڑتال کرنے کا اراستہ اب بھی کھلا ہے۔

رافیل پر سپریم کورٹ کے فیصلے کے بعد ، راہل گاندھی معافی مانگیں: بی جے پی

فرانس سے 36 لڑاکا طیارے کی خریداری کے معاملے میں بدعنوانی کے الزامات پر سپریم کورٹ کی کلین چٹ ملنے کے بعد کانگریس پر نشانہ لگاتے ہوئے بی جے پی نے جمعہ کو کہا کہ کانگریس پارٹی اور اس کے چیئرمین راہل گاندھی ملک کو گمراہ کرنے کیلئے معافی مانگیں۔