جیوتی رادتیہ سندھیاکی شیوراج سنگھ چوہان سے بند کمرے 45منٹ چلی میٹنگ،قیاس آرائیاں تیز
بھوپال،22جنوری(ایس او نیوز؍آئی این ایس انڈیا) سابق مرکزی وزیر اور کانگریس ایم پی جیوتی رادتیہ سندھیا اور مدھیہ پردیش کے سابق وزیراعلیٰ شیوراج سنگھ چوہان نے بھوپال کے بند کمرے میں ملاقات کی ہے۔سومواررات دونوں نے تقریباََ45منٹ بات چیت کی۔اس میٹنگ کے بارے میں سیاست کی گلیوں میں بحث تیز ہے،میٹنگ کولے کر کئی طرح کی باتیں کی جارہی ہیں، تاہم دونوں رہنما نے اس ملاقات کورسمی بتایا۔دراصل سندھیا پیر رات کو دہلی سے بھوپال پہنچے،اس کے بعدسندھیااچانک سابق وزیراعلیٰ چوہان کی رہائش گاہ پہنچ گئے۔ملاقات کے بعدسندھیا نے میڈیا سے کہا کہ ہم دونوں کے درمیان کوئی اختلات نہیں ہے، کوئی تنازعہ نہیں ہے، میں ایسا شخص نہیں ہوں جو انتخابات کی کڑواہٹ کولے کر پوری زندگی گزاروں۔جیسا کہا جاتا ہے کہ رات گئی،بات گئی،اس لیے آگے سوچنا ہوگا۔مدھیہ پردیش کا مستقبل روشن کرنا ہے،سنوارناہے،اس لئے ہمیں سب کو ساتھ لے کرچلناہے، خاص طورپرکانگریس کی ذمہ داری ہے کیونکہ یہ طاقت میں ہے،انتخابی میدان میں کشمکش ہوتی ہے لیکن انتخابات کے بعد سب کو مل کر کام کرناچاہیے۔سندھیا نے چوہان کے ساتھ ہوئی بات کواچھابتاتے ہوئے کہا کہ وہ ہماری ریاست کے وزیراعلیٰ تھے ، ان سے ملنے آیاتھا، بہت سی باتیں ہوئیں،سندھیا سے سوال کیا گیا تھا کہ آیا کانگریس حزب اختلاف کی حمایت ملے گی؟ انہوں نے کہا کہ حزب اختلاف کو ہمیشہ اچھی چیزوں کی حمایت کرنی چاہیے اوراس کی کمی کو اجاگر کرناچاہیے،ملک کی جمہوریت میں حزب اختلاف کا کردار اسی طرح اہم ہے جیسا کہ حکمراں پارٹی کا۔مرکز میں کانگریس کا ایک اہم تعاون ہے، توقع ہے کہ بی جے پی کا اسی ریاست میں رہے گا۔سابق وزیر اعلی چوہان نے اس میٹنگ کو ایک باضابطہ دورہ بھی قرار دیا۔اس سے پہلے چوہان کا وزیر اعلی کمل ناتھ کے ساتھ اسٹیج پر جا نا اور سندھیا اور کمال ناتھ کاگرم جوشی سے خیر مقدم کرنابحث میں رہاتھا،یہ ملاقات اب سیاسی گلیاروں میں بحث کا موضوع بن گئی ہے۔