لدھیانہ میں یوگی اور محبوبہ حکومت کے خلاف زبردست احتجاج ،آصفہ کے قاتلوں کو پھانسی دو : مولانا حبیب الرحمن ثانی لدھیانوی

Source: S.O. News Service | By Shahid Mukhtesar | Published on 17th April 2018, 12:16 AM | ملکی خبریں |

لدھیانہ،16اپریل(ایس او نیوز؍محمد فرقان) جموں کشمیر میں 8 سالہ آصفہ اور یوپی میں 16 سالہ اناؤ کی بیٹی جیسی معصوم بیٹیوں کے ساتھ ہوئے عصمت دری کے خلاف لدھیانہ جامع مسجد کے باہر بڑی تعداد میں مسلمانوں نے مجلس احرار اسلام ہند کی طرف سے اتر پردیش کی یوگی حکومت اور کشمیر کی محبوبہ حکومت کا پتلا جلا کر زبردست احتجاج کیا۔ اس موقع پر مجلس احرار اسلام ہند کے قومی صدر اور پنجاب کے شاہی امام حضرت مولانا حبیب الرحمن صاحب ثانی لدھیانوی نے کہا معصوم بچیوں کی عزت لوٹنے اور قتل کرنے والوں کو سربازار گولی مارنی یا پھانسی دینی چاہئے۔ انہوں نے کہا کہ محبوبہ مفتی اور یوگی ادتیہ ناتھ کو شرم آنی چاہئے کہ انکی حکومت میں معصوم بیٹیوں کے ساتھ غیر انسانی حرکت کرنے والوں کو عوام کے احتجاج کے بعد پکڑا گیا. اگر عوام شور نہ مچاتی تو یہ درندے ایسے ہی آزاد پھرتے رہتے۔شاہی امام مولانا حبیب الرحمن لدھیانوی نے کہا کہ دکھ کی بات یہ ہے کہ آزاد بھارت میں سیاسی روٹیاں سیکنے والے اب یہ دردناک واقعات کو بھی مذہبی رنگ دے رہے ہیں۔انہوں نے کہا کہ اسلام میں زنا کار کا سر قلم کرنے کا حکم ہے، تاکہ کوئی بھی حیوان کسی کی بیٹیوں کی زندگی خراب نہ کر سکے۔قائد الاحرار مولانا حبیب الرحمن لدھیانوی نے کہا کہ تین طلاق پر قانون بنانے والی مرکزی مودی حکومت کو بیٹیوں کے تحفظ کیلئے قانون بنانا چاہئے۔ شاہی امام پنجاب نے کہا کہ سیاست میں مذہب اور ذات کے نام پر اقتدار حاصل کی جا سکتی ہے، لیکن ملک میں بھائی چارہ اور امن قائم نہیں کیا جا سکتا۔امن کے لئے ضروری ہے کہ ملک کے سبھی لوگوں کے ساتھ انصاف کیا جائے۔شاہی امام نے کہا کہ سبھی حکومت کو یاد رکھنا چاہئے کہ اقتدار کا مذہب صرف انصاف ہوتا ہے. انہوں نے کہا کہ آصفہ ہو یا اناؤ کی بیٹی سب معزز ہیں۔

ایک نظر اس پر بھی

رائے بریلی میں بھاجپائی لیڈر پر ریپ کا الزام، متاثرہ نے کہا ڈیڑھ ماہ تک آبروریزی کرکے ویڈیو بنائی 

اتر پردیش کے ضلع رائے بریلی میں ایک خاتون نے بی جے پی لیڈر پر آبروریزی کا الزام لگایا ہے۔ خاتون کا یہ بھی الزام ہے کہ بی جے پی لیڈر نے فحش ویڈیوز بنا کر اسے بلیک میل کرتا رہا ۔ متاثرہ کا کہنا ہے کہ اس کی شکایت پر پولیس نے مقدمہ بھی درج کیا، لیکن ملزم کے خلاف کوئی کارروائی نہیں کی ...

ایوان میں مودی کی تقریر پر اپوزیشن کی رائے: کانگریس نے ڈرامہ بازی قراردیا، چندرا بابو نائیڈو نے پی ایم کو گھمنڈی کہا 

عدم اعتماد کی پیشکش پر بحث کے دوران مودی کی تقریر کو کانگریس نے 'ڈرامے بازی' قرار دیا ہے۔ پارٹی نے کہا کہ پی ایم مودی سے رافیل ڈیل ، نیرو مودی ، سمیت دیگر کئی مسائل پرسوال پوچھے گئے، لیکن انہوں نے کسی بھی سوال کا جواب نہیں دیا ۔ کانگریس لیڈر ملک ارجن کھڑگے نے کہا کہ ان تقریر 'ڈرامے ...

مودی کی مقبولیت کا ردعمل موب لنچنگ ہے : میگھوال 

راجستھان کے الور ضلع میں ایک بار پھر زر خرید ہجو م کے ذریعہ گائے اسمگلنگ کے شبہ میں اکبر نامی ایک مسلم تاجر کو پیٹ پیٹ کر شہید کر دیا گیا۔اس واقعہ پر مرکزی وزیر ارجن رام میگھوال نے کہا ہے کہ وہ اس واقعہ کی مذمت کرتے ہیں لیکن یہ صرف تنہا واقعہ نہیں ہے ہمیں اس کی تاریخ میں جائیں گے. ...

مودی سے راہل کے گلے ملنے پر یشونت سنہا کو ملا طنزکا موقع 

مودی حکومت کے خلاف مسلسل باغیانہ تیور اختیار کرنے والے سابق بی جے پی لیڈر یشونت سنہا نے جمعہ کو پارلیمنٹ میں راہل گاندھی کی طرف سے پی ایم مودی کو گلے لگائے جانے کو لے کر مودی پر طنز کیا ہے۔ وہیں کانگریس صدر راہل گاندھی کو گلے لگنے والے تنازعہ میں یشونت سنہا کا ساتھ ملا ہے۔ اکثر ...

بی جے پی سے ترک تعلق کرنے والے لیڈر نے تھاماترنمول کانگریس کادامن 

بی جے پی کے سابق رہنما اور راجیہ سبھا سے دو بار رکن رہ چکے سینئر صحافی چندن مترا نے آج کولکاتہ میں ایک ریلی کے دوران ترنمول کانگریس کا دامن تھام لیا ہے۔ ممتا بنرجی کی ٹی ایم سی میں آج ایک بڑی ریلی کے دوران ویسے تو بہت سے چہرے شامل ہوئے، مگر چندن مترا سے قدآور لیڈر کوئی نہیں تھی

راہل گاندھی نے بھارتی سیاستدان کی تصویر کو شدید نقصان پہنچایا: جیٹلی

راہل گاندھی پر فرانسیسی صدرکے ساتھ بات چیت کی کہانی گڑھنے کا الزام لگاتے ہوئے مرکزی وزیر ارون جیٹلی نے آج کہا کہ کانگریس صدر نے دنیا کے سامنے کسی ہندوستانی سیاستداں کی تصویر کو شدید نقصان پہنچایا ہے۔ مودی حکومت کے خلاف کل لوک سبھا میں عدم اعتماد کی تجویز پر بحث کرتے ہوئے ...