جھارکھنڈ کے وزیر اعلی نے اڑائی قانون کی دھجیاں ،دیوالی کے موقعہ پر دوستوں کے ساتھ بائیک پر گھومے ، نہیں پہنا ہیلمٹ
جمشید پور، 20؍اکتوبر ( ایس او نیوز؍آئی ا ین ایس انڈیا) جھارکھنڈ کے اعلی وزیررگھوبر داس اپنے آبائی شہر جمشیدپورپر میں دیوالی جیسے اہم تہوا رکو منانا اچھا سمجھتے ہیں اسی بہانے انہیں اپنے اسمبلی حلقہ میں دوستوں اور پرستاروں سے ملنے کا موقعہ مل جاتاہے ۔ دیوالی کی رات جھارکھنڈ وزیراعلی اپنے دوستوں کے ساتھ گھوم رہے تھے ؛ لیکن انھوں نے بائیک کی سواری سے قبل ہیلمٹ پہننا بھول گئے ۔جمشید پور کے باشندگان یوں تو بارش کی وجہ سے اپنے اپنے گھروں میں قید ہوگئے ، تاہم بارش رکنے کے بعد جیسے ہی مطلع صاف ہوا وزیر اعلی اپنے دوست کی بائیک کے ذریعہ اپنے چاہنے والوں سے ملنے نکل پڑے ۔ رگھوبر داس یہاں ایگریکوکالونی میں رہتے ہیں بارش کے بعد وہ اپنے دوستوں کے ساتھ موٹر بائیک سے ہی دوسرے دوستوں سے ملاقات کیلئے نکل پڑے ۔ واضح ہو کہ وہ سرکاری گاڑی میں سوار نہیں تھے ؛ بلکہ نجی موٹر بائیک خود ہی چلا رہے تھے اورٹرانسپورٹ کے قانون کے تحت ہیلمٹ بھی نہیں پہن رکھاتھا ۔