زیادہ وسائل کے ساتھ بہتر کارکردگی کا مظاہرہ کر سکتا ہے اسرو:کرن کمار
حیدرآباد،16؍جنوری (ایس او نیوز؍آئی این ایس انڈیا) بھارتی خلائی تحقیق تنظیم (اسرو)کے سابق صدر اے ایس کرن کمار نے کہا ہے کہ اسرو کو اگر زیادہ وسائل مہیا کرائے جائیں تووہ اور بھی تیزی سے کام کر سکتا ہے۔انہوں نے کہاکہ ہمیں کبھی کبھی لگتا ہے کہ شاید ہم زیادہ تیزی سے ان چیزوں کو کر سکتے تھے لیکن ہمیں دستیاب وسائل کا بھی خیال رکھنا پڑتا ہے اور پھر اس بات کا یقین کرنا ہوتا ہے کہ اس کے لئے وسائل کا زیادہ متاثر کن استعمال ہو، جس کے لئے وہ فراہم کی جاتی ہیں۔اسرو میں چار دہائی سے زیادہ وقت تک خدمات دینے کے بعد اسی ہفتے ریٹائرہوئے کرن کمار نے کہاکہ اس لیے کبھی کبھی آپ کو لگتا ہے کہ اگر اور وسائل مہیا کرائے جاتے تو ہم تھوڑا تیزی سے کام کر سکتے تھے، لیکن اس کا مطلب افسوس جتانا نہیں ہے۔انہوں نے کہاکہ جب میں نے سال 1975میں بھاسکر(سیٹلائٹ) پر کام کرنا شروع کیا تھا، اس کے بعد سے دو دن پہلے (12 جنوری کے پی ایس ایل وی پروجیکشن) تک یہ شاندار رہا۔کرن کمار نے کہا کہ انہوں نے اپنے اس سفر کے دوران نئے منصوبوں، خلائی شعبے اور بنیادی ڈھانچہ ترقی کے میدان میں ملک میں نئی صلاحیتوں کی ترقی اور نگرانی، مواصلات اور نیوی گیشن سے متعلق معاملات پر کام کیا۔انہوں نے کہا کہ یہ سفر مشکل رہا لیکن ان میں کامیابی اس عکاسی کی روح تھی کہ ملک کے پاس ٹیکنالوجی کو اپنانے اور اسے اس طریقے سے استعمال میں لانے کا ذریعہ ہے جس کا خواب وکرم سارا بھائی نے دیکھا تھا۔کرن کمار نے کہاکہ ان کے کیریئرمیں کوئی ایک چیز نہیں ہے۔انہوں نے کہاکہ یہ مسلسل جاری عمل ہے۔ہمارے پاس ہمیشہ مستقبل کے لیے ہدف ہوتا ہے جوپہلے حاصل کیے جا چکے ہدف سے بڑا ہوتاہے۔