اپنے شوہر کے ساتھ کھڑی ہوں :پرینکا گاندھی 

Source: S.O. News Service | By Jafar Sadique Nooruddin | Published on 7th February 2019, 1:14 AM | ملکی خبریں |

نئی دہلی:5 /فروری (ایس اونیوز /آئی این ایس انڈیا) رابرٹ واڈرا سے ای ڈی کی پوچھ گچھ کے درمیان کانگریس جنرل سکریٹری پرینکا گاندھی نے بدھ کو کہا کہ وہ اپنے شوہر کے ساتھ کھڑی ہیں۔ سیکرٹری جنرل مقرر ہونے کے بعد پہلی بار کانگریس ہیڈکوارٹر پہنچی پرینکا نے نامہ نگاروں کے ایک سوال کے جواب میں کہا کہ :’میں اپنے شوہر کے ساتھ کھڑی ہوں ‘۔ غور طلب ہے کہ منی لانڈرنگ کے الزام کے تحت ای ڈی واڈرا سے پوچھ گچھ کر رہی ہے۔ واڈرا کو عدالت نے پہلے ہی 16 فروری تک کے لئے پیشگی ضمانت دے دی ہے۔ ادھر پرینکا گاندھی نے بدھ کو پارٹی ہیڈکوارٹر پہنچ کر ذمہ داری سنبھالی ۔ان کے کانگریس ہیڈکوارٹر پہنچنے کے ساتھ ہی بڑی تعداد میں کانگریس کارکن جمع ہو گئے اور ’پرینکا گاندھی زندہ باد‘ اور’ پرینکا نہیں یہ آندھی ہے، دوسری اندرا گاندھی ہیں‘کے نعرے لگائے ۔اس سے قبل پارٹی کے جنرل سکریٹری جیوتی رادتیہ سندھیا نے بھی دفتر پہنچ کر عہدہ سنبھالا۔ حال ہی میں پرینکا کو سیکرٹری جنرل انچارج (مشرقی یوپی) اور سندھیا کو مغربی یوپی کا سیکرٹری جنرل مقرر کیا گیا ہے ۔ 

ایک نظر اس پر بھی

کورٹ نے راجیو سکسینہ کو بیرون ملک جانے کی اجازت دینے والے عدالت کے فیصلے پر روک لگائی

سپریم کورٹ نے آگسٹا ویسٹ لینڈ ہیلی کاپٹر سودے سے منسلک منی لانڈرنگ معاملے میں سرکاری گواہ راجیو سکسینہ کو دیگر بیماریوں کا علاج کرانے کے لئے بیرون ملک جانے کی اجازت دینے کے دہلی ہائی کورٹ کے حکم پر بدھ کو روک لگا دی