جھارکھنڈ سے روزگار کی تلاش میں آئی نابالغہ کو بیچنے کی کوشش، دہلی میں ہوئی عصمت دری
نئی دہلی ،9؍اگست (ایس او نیوز؍آئی این ایس انڈیا) جھارکھنڈ کے گملا گاوں کی ایک نابالغہ کو روزگار کے لئے دلال کے چکر میں آکر دہلی جانا کافی مہنگا پڑ گیا۔ طویل عرصہ تک کام کرنے کے باوجود اسے پیسے نہیں دئے گئے اور دلال نے معصوم لڑکی کو ایک کمرے میں بند کر اس کی عصمت دری کی۔ پولیس نے ملزم کو گرفتار کر جیل بھیج دیا ہے۔ پھر یہ صحیح وقت پر چائلڈ ہیلپ لائن کے ذریعہ چائلڈ ویلفیئر افسر کے رابطے میں آگئی۔
گملا کے سیسائی تھانا علاقہ کے پتراٹولی کی رہنے والی ایک معصوم نابالغہ کو رنجیت اپنے ساتھ کام دلانے کے بہانے دہلی لے گیا۔ وہاں پہلے تو اس نے اسے ایک کمرے میں قید کر لیا۔ علاوہ ازیں اس کی عصمت دری کی اور اسے کام پر لگا دیا۔ لیکن اسے کافی دن کام کرنے کے سبب ایک روپیہ بھی نہیں دیا۔ فی الحال نابالغہ چائلڈ ہیلپ لائن کے رابطے میں آئی، جس کے بعد کاروائی کے بعد اسے گملا چائلڈ ویلفیئر افسر کے ذریعہ واپس گملا لایا گیا۔ معصوم کا کہنا ہے کہ رنجیت اس کے ساتھ مار پیٹ بھی کرتا تھا۔
نابالغہ نے بتایا کہ اس کے والدین کی موت بہت پہلے ہو گئی تھی۔ اس کے بعد وہ مجبوری کے تحت اپنے ماما کے ساتھ رہتی تھی۔ اسی درمیان رنجیت نے اس کے ماما کو ورغلا لیا اور اس کو روزگار دلانے کے نام پر دہلی لے گیا۔