احمدآباد،21؍نومبر ( ایس او نیوز؍آئی این ایس انڈیا )گجرات اسمبلی الیکشن سے پہلے گزشتہ رات بڑی تعداد میں مسلم برادری کے لوگوں نے بی جے پی میں شمولیت اختیار کر لی ۔ احمد آباد کی جمال پور کھاڑیا اسمبلی سیٹ سے امیدوار بھوشن بھٹ کو ملے ٹکٹ کو لیکر ایک پروگرام منعقد کیا گیا تھا جس میں دانیلمڑا، جمال پور، بیہرام پورا علاقے کے مسلمانوں نے بی جے پی جوائن کیا۔پروگرام میں گجرات بی جے پی مائنارٹی سیل کیصدرصوفی سنت محبوب علی چشتی نے بی جے پی جوائن کرنے والے لوگوں کو کیسریا کھیس پہنایا ۔ گجرات بی جے پی مائنارٹی سیل کے صدرصوفی محبوب علی چشتی نے کانگریس پرحملہ بولتے ہوئے کہا کہ کانگریس نیصرف اورصرف مسلمانوں کو ووٹ بینک کے طور پر استعمال کیا ہے اور ان کی ترقی کے لئے کوئی کام نہیں کیا ۔واضح ہو کہ جمال پور کھاڑیا اقلیتی علاقہ ہے۔ کچھ دن پہلے یہاں ٹکٹ نہیں تو ووٹ نہیں کے پوسٹر بھی لگے تھے۔