اپوزیشن کے الزامات مسترد،آدھار ترمیمی بل ایوان میں پیش، ترنمول کانگریس نے کہا،حکومت کابل سپریم کورٹ کے فیصلے کے خلاف

Source: S.O. News Service | By Shahid Mukhtesar | Published on 2nd January 2019, 11:18 PM | ملکی خبریں |

نئی دہلی2جنوری(ایس او نیوز؍آئی این ایس انڈیا)حکومت نے آدھار ترمیمی بل کو بنیادی حقوق کی خلاف ورزی سے متعلق اپوزیشن کے الزامات کو مسترد کرتے ہوئے آج لوک سبھا میں کہا کہ یہ ترمیمی بل آدھار معاملے میں سپریم کورٹ کے فیصلے کے مطابق لایا گیا ہے۔قانون اور انصاف کے وزیر روی شنکر پرساد نے ایوان میں انا ڈی ایم کے اور تیلگو دیشم پارٹی کے اراکین کے ہنگامے کے درمیان ہی آدھار اور دیگر قوانین(ترمیمی) بل 2018 پیش کرنے کی اجازت مانگی ، جس کی کانگریس، ترنمول کانگریس اورریولیوشنری سوشلسٹ پارٹی نے مخالفت کی۔ترنمول کانگریس کے سوگت رائے نے الزام لگایا کہ حکومت کا یہ ترمیمی بل سپریم کورٹ کے 26 ستمبر2018 کے فیصلے کے خلاف ہے۔ مسٹر رائے نے کہا کہ حکومت کو یہ بل پیش نہیں کرنا چاہئے۔کانگریس کے ششی تھرور نے بھی بل کی مخالفت کی۔ انہوں نے کہا کہ آدھار شناخت نہیں بلکہ استناد کا عمل ہے۔ مسٹر تھرور نے بل لانے کی یہ کہتے ہوئے مخالفت کی کہ سب سے پہلے حکومت کو ڈاٹا سیکورٹی سے متعلق قانون لانا چاہئے۔ آر ایس پی کے این کے پریم چندرن نے کہا کہ آدھار ترمیمی بل عام آدمی کے بنیادی حقوق کی خلاف ورزی ہے۔اس کے بعد مسٹر پرساد نے کہا کہ یہ ترمیمی بل کسی طرح سے عام آدمی کے بنیادی حقوق کی خلاف ورزی نہیں ہے۔ مرکزی وزیر نے کہا کہ یہ ترمیمی بل سپریم کورٹ کے فیصلے کے مطابق ہے۔ انہوں نے کہا کہ آدھار سے ستر ہزار کروڑ روپے کی بچت ہوئی ہے۔ انہوں نے ڈاٹا سیکورٹی قانون کے متعلق اپوزیشن کے خدشات کو مسترد کرتے ہوئے کہا کہ متعلقہ بل تقریباً تیار ہے اور جلد ہی ایوان میں پیش کیا جائے گا۔ اس کے بعد ایوان میں بل پیش کردیا گیا۔

ایک نظر اس پر بھی

 گجرات:  ٹھاکر کمیونٹی کادقیانوسی قانون،لڑکیوں کے موبائل کے استعما ل پر مکمل پابندی، بھاگ کر شادی کرنے پر اہل خانہ کو بھرنا ہوگا جرمانہ 

گجرات کے بناس کا ٹھا میں ٹھا کر کمیونٹی کی طرف سے 12 دیہات میں عجیب و غریب اور دقیانوسی قوانین بنائے گئے ہیں۔ اس میں ایک اصول ایسا ہے کہ لڑکیاں اپنے پاس موبائل نہیں رکھ پائیں گی۔

 اب تمام علاقائی زبانوں میں ہون گے ڈاک محکمہ کے امتحانات، راجیہ سبھا میں ہنگامہ کے بعد حکومت نے منسوخ کیا پیپر 

ڈاک محکمہ کی گزشتہ ہفتے ہوئے ایک امتحان کا ذریعہ صرف ہندی اور انگریزی رکھنے کی مخالفت میں منگل کو راجیہ سبھا میں کئی جماعتوں کے ارکان کے ہنگامے کی وجہ سے کاروائی کئی بار روکنا پڑی۔

پاکستانی جیل میں قید سابق ہندوستانی افسر کلبھوشن پر بین الاقوامی عدالت کا فیصلہ آج

پاکستان کی جیل میں بند ہندوستانی بحریہ کے سابق فوجی افسر کلبھوشن جادھو کے معاملے میں بدھ کو ہیگ واقع بین الاقوامی عدالت (آئی سی جے) اپنا فیصلہ سنائے گی۔ ’دی ہیگ‘ کے پیس پیلس میں 17 جولائی کو ہندوستانی وقت کے مطابق شام ساڑھے چھ بجے کھلی سماعت ہوگی جس کے بعد چیف جسٹس عبدالقوی ...