سوشل میڈیاپرصارفین نے واقعہ کو مودی اوریوگی کے لیے شرمناک بتایا، بچوں کی اموات سے ناراض لوگوں کامطالبہ، مودی جی پلیز ایک ٹویٹ تو کریئے

Source: S.O. News Service | By Shahid Mukhtesar | Published on 13th August 2017, 3:21 PM | ملکی خبریں |

نئی دہلی،12اگست(ایس او نیوز/آئی این ایس انڈیا)یوپی کے گورکھپور میں سرکاری ہسپتال میں آکسیجن کی کمی سے گزشتہ 6 دنوں میں ہوئی 63 بچوں کی موت سے ملک بھر میں غصہ ہے۔ سوشل میڈیا پر اپوزیشن پارٹی اور مشہور ہستیاں مسلسل اس مسئلے کو اٹھا کر حکمراں بی جے پی حکومت کو گھیرنے میں لگی ہیں۔وہیں کچھ لوگ اس واقعہ کو آزادی سے70 سالوں سے جوڑ کر دیکھ رہے ہیں اور ایسے حالات میں بچوں کی موت کوشرمناک اور انتہائی المناک واقعہ بتا رہے ہیں۔سوشل میڈیا پر گورکھپور کے واقعہ کو لے کربات بات پریہاں تک کہ نتیش کے استعفیٰ پرفوری ٹوئٹ کرنے والے وزیر اعظم نریندر مودی بھی نشانے پرہیں۔ سوشل میڈیا یوزرس کا کہنا ہے کہ ہر چھوٹے بڑے واقعہ میں فوری طور پر ٹویٹ کنے والے پی ایم مودی اس واقعہ میں خاموشی کیوں سادھے ہوئے ہیں۔ روی کرن نامی ایک ٹویٹر صارف نے لکھا کہ ڈیر مودی جی، پلیز گورکھپورمیں 30 بچوں کی موت پر ایک ٹویٹ تو کریئے اور قصورواروں کو سخت سزا دلائیے۔ آپ کے پاس یوپی کی طاقت اور ذمہ داری ہے۔ ایک اور صارف راہل شرما نے ٹوئٹر پر لکھا کہ کیا ابھی تک گورکھپور حادثے پر پی ایم مودی نے ٹویٹ کیا، جبکہ وہ بیرون ملک ہوئے کسی حادثہ پر افسوس ظاہر کرنے میں تھوڑی بھی دیر نہیں کرتے۔ آر وید نام کے ایک صارف نے لکھا کہ پی ایم مودی کو یوپی کے ہسپتال کا دورہ کرکے متاثرین کو تسلی دینی چاہئے، وہاں لاپرواہی کے چلتے30 بچوں کو اپنی جان گنوانی پڑی ہے۔تحسین پوناوالا نے پی ایم مودی پر نشانہ لگاتے ہوئے ٹوئٹر پر لکھا کہ مودی جی آپ پرتگال کے جنگلات میں لگی آگ پر بولتے ہیں لیکن گورکھپور میں 30 معصوم بچوں کی موت پرآپ کیوں خاموش ہیں۔ ثانیہ نامی ایک یوزر نے پی ایم مودی کو رماڈ کراتے ہوئے لکھا کہ آپ ہندوستان کے وزیر اعظم ہیں۔انل نامی ایک ٹویٹر صارف نے سخت تنقید کرتے ہوئے ٹویٹ کیا کہ پی ایم مودی اور یوپی کے وزیراعلیٰ آدتیہ ناتھ کے لیے یہ شرمناک واقعہ ہے۔ یوپی میں آکسیجن کی کمی سے گزشتہ 5 دنوں میں تقریبا 60 بچوں کی موت ہو گئی ہے۔

ایک نظر اس پر بھی

بی جے پی کی نوٹ بندی اور جی ایس ٹی کا اثر گجرات انتخابات کے نتائج میں نظر آئے گا: اکھلیش یادو 

سماجوادی پارٹی کے سربراہ اکھلیش یادو نے کہا ہے کہ نوٹ بندی اور جی ایس ٹی کی وجہ سے تاجروں پر کافی برا اثر پڑا ہے۔ انہوں نے کہا کہ کسان مخالف اور تاجر مخالف پالیسیوں کی وجہ سے بی جے پی کا گراف نیچے آتا جا رہا ہے۔

گجرات میں سات انتخابات میں دو بار ووٹنگ کے فیصدی میں کمی، دونوں بار بی جے پی کو نقصان تو کانگریس کا فائدہ 

گجرات میں ہفتہ کو پہلے مرحلہ میں19ضلعوں میں کی89نشستوں پرتقریباً 68فیصدی ووٹنگ ہوئی اس بار 2012کے اسمبلی انتخابات سے تقریباً 3فیصدی ووٹنگ ہوئی۔ 2012 میں پہلے مرحلے میں19 میں سے15 اضلاع میں ووٹنگ ہوئی تھی۔

خواتین کمیشن نے زائرہ وسیم کے ساتھ ہوئی چھیڑ خانی کو بتایا انتہائی شرمناک فعل 

قومی خواتین کمیشن نے زائرہ وسیم کے ساتھ شرمناک حادثہ قرار دیا ہے ۔زائرہ وسیم نے سوشل میڈیا کے ذریعے وستارا ایئر لائنزکی فلائٹ سے دہلی سے ممبئی جانے والی پرواز میں جس طرح ہراساں کیے جانے کی بات کہی ہے وہ بھارتی تہذیب و ثقافت کے شرم کی بات ہے ۔