گنگا کی صفائی :غیر معینہ بھوک ہڑتال جاری
نئی دہلی:5/نومبر(ایس او نیوز/آئی این ایس انڈیا)بی جے پی نے اپنے انتخابی وعدوں میں گنگاکی صٖفائی کابھی وعدہ کیاتھا،مودی نے ماں گنگانے بلایاہے کاجذباتی بیان بھی وارانسی میں دیاتھا،حکومت آنے پروزارت بھی بنی لیکن صورت حال یہ ہے کہ گنگاکی صفائی کے لیے بھوک ہڑتال کرنے پرلوگ مجبورہیں۔ گنگا کی صفائی اور ہموار بہاؤ کو لے کر اتراکھنڈ رشی کیش اورکنکھل ہری دوار میں غیر معینہ بھوک ہڑتال پیرکوبھی جاری ہے۔ اس مسئلہ کو لے کر گنگوتری سے گنگا ساگر کی یاترا اور دیگر پروگراموں کا انعقاد کم از کم سات ریاستوں میں کیا گیا ہے۔سنت گوپال داس کے اپواس کو پیر کو 135 دن ہو گئے جبکہ برہمچاری آتمبودھانند سرسوتی کی ماترسدن آشرم میں بھوک ہڑتال 24 اکتوبر سے جاری ہے۔آشرم کے ترجمان برہمچاری دیانند نے پیر کو بتایا کہ سنت گوپال داس کو ہفتہ کو ہری دوار کے جال گرانٹ اسپتال میں داخل کرایا گیا جہاں سے انہیں ایمس رشی کیش میں شفٹ کر دیا گیا۔ترجمان نے ’یو این آئی‘سے مسٹرداس کی شکایت کا حوالہ دیتے ہوئے کہا’’ رشی کیش ایمس میں پیر کی صبح کچھ ڈا?ٹروں نے مسٹر داس کو کچھ ادویات ?ھلان? چاہی تو انہوں نے انکار کر دیا اور انکار کرنے پر ان کے ساتھ جھگڑا کیا گیا‘‘۔اس درمیان’واٹرمین آف انڈیا‘ کے نام سے مشہور ڈاکٹر راجندر سنگھ نے بتایا کہ’ گنگا سدھ بھاؤنا یاترا‘ اتوار کی رات کو کانپور پہنچ گئی۔اس صنعتی شہر میں پورے دن بیداری پروگرام اور میٹنگوں کے بعد الہ آباد کے راستے آج رات اس کے فتح پور پہنچنے کا پروگرام ہے۔مسٹر سنگھ نے بتایاہے کہ آنجہانی پروفیسر جی ڈی اگروال کی جانب سے شروع کی گئی ہڑتال کا وسیع پیمانہ پراس کا اثر سامنے آ رہا ہے ،کافی تعداد میں لوگ اس پروگرام میں شامل ہو رہے ہیں۔