وزیراعظم نریندر مودی کو پہلا فلپ کوٹلر صداتی ایوارڈ پیش کیا گیا 

Source: S.O. News Service | By Shahid Mukhtesar | Published on 14th January 2019, 10:18 PM | ملکی خبریں |

نئی دہلی14جنوری(ایس او نیوز؍آئی این ایس انڈیا)وزیراعظم نریندر مودی کوآج سات لوک کلیان مارگ نئی دہلی میں پہلے فلپ کوٹلر صدارتی ایوارڈ سے نوازاگیاہے۔اس ایوارڈ میں دراصل عوام ،فائدہ اور سیارہ یعنی کرۂ ارض پرتوجہ مرکوز کی جاتی ہے۔ یہ ایوارڈ ہر سال ملک کے لیڈرکو پیش کیا جائے گا۔ اس ایوارڈ کے سپاس نامے میں کہاگیاہے کہ : نریندر مودی کا انتخاب ملک وقوم کے لئے ان کی نمایاں خدمات کے لئے دیا گیا ہے۔وطن عزیز ہندوستان کے لیے ان کی بے لوث خدمات اور ان کی انتھک محنت کے نتیجے میں ملک میں غیر معمولی ،معاشی ،سماجی اور تکنیکی ترقی ہوئی ہے۔ سپاس نامے میں مزید کہا گیا ہے کہ جناب نریندر مودی کی لائق وفائق قیادت میں ہندوستان کو جدت طراز کام کاج میں بہتر اور مستند مینوفیکچرنگ ( میک ان انڈیا ) کے ساتھ ساتھ انفارمیشن ٹکنالوجی ،اکاؤنٹنگ اور فائننس جیسی پیشہ ورانہ خدمات میں عالمی مرکز کی شناخت حاصل ہوئی ہے۔اس سپاس نامے میں یہ بھی کہا گیا ہے کہ جناب نریندر مودی کی تصورساز قیادت کا نتیجہ ڈجیٹل انقلاب بشمول یونیک آئیڈینٹی فکیشن نمبر سماجی مفادات اور مالیاتی شمولیت کے لیے آدھار سمات ڈیجیٹل انڈیا کی صورت میں ظاہر ہوا ہے ،جس سے کاروبار ، ایز آف ڈوئنگ بزنس اور اکیسویں صدی کے ہندوستان کے لئے ڈھا نچہ جاتی سہولیات کی تعمیر کی شکل میں ظاہر ہوا ہے۔ سپاس نامے میں وزیر اعظم جناب نریندر مودی کے میک ان انڈیا ،اسٹارٹ اپ انڈیا ،ڈجیٹل انڈیا اور سووچھ بھارت جیسے لائق تحسین اقدامات کاذکرکیا گیا ہے ،جنہوں نے ہندوستان کو دنیا بھر میں مینوفیکچرنگ اور کاروبار کی پسندیدہ منزل مقصودبنادیا ہے۔واضح ہوکہ پروفیسر فلپ کوٹلر نارتھ ویسٹرن یونیورسٹی کے کیلاگ اسکول آف منیجمنٹ میں مارکیٹنگ کے معروف پروفیسر کی حیثیت سے فائز ہیں۔ اپنی خرابی صحت کی بنا پر انہوں نے امریکہ کی ایموری یونیورسٹی کے ڈاکٹر جگدیش سیٹھ کو یہ ایوارڈ پیش کرنے کے لیے مامورکیاہے۔

ایک نظر اس پر بھی

چوکیدارکا ٹھپہ نہیں چاہتی پرائیویٹ سیکورٹی انڈسٹریز

قریب 80 لاکھ پرائیویٹ سیکورٹی گارڈز والی انڈسٹری وزیر اعظم نریندر مودی کے ’چوکیدار‘ مہم سے بہت حوصلہ افزاء نہیں ہے، البتہ وہ اپنی بہت مشکلات کو لے کر خود مرکزی حکومت سے لڑ رہی ہے۔سیکورٹی سروسز پر 18فیصد جی ایس ٹی کے خلاف برسرپیکار رہی کمپنیاں اب حکومت پر وعدہ خلافی کا الزام لگا ...

بورڈنگ پاس پر مودی کی تصویر پر تنقید کے بعد ایئر انڈیا نے انہیں واپس لیا

ایئر انڈیا نے تنقید کے بعد وزیر اعظم نریندر مودی اور گجرات کے وزیر اعلی وجے روپانی کی تصاویر والے بورڈنگ پاس واپس لینے کا فیصلہ کیا ہے۔ایئر لائنز نے پہلے کہا تھا کہ تصاویر والے بورڈنگ پاس تیسری پارٹی کے اشتہارات کے طور پر جاری کئے گئے اور اگر یہ مثالی ضابطہ اخلاق کی خلاف ورزی ...

دہلی میں خدمات پر کنٹرول کے معاملے پر فیصلے کیلئے وسیع بنچ بنائے عدالت عظمی: آپ حکومت

قومی راجدھانی دہلی میں انتظامی خدمات پر کنٹرول کے معاملے پر جلد فیصلہ لینے کے لیے آپ حکومت نے پیر کو سپریم کورٹ سے ایک وسیع بنچ قائم کرنے کی درخواست کی۔چیف جسٹس رنجن گوگوئی اور جسٹس دیپک گپتا کی بنچ کے سامنے اس معاملے کا ذکر کیا گیا تو بنچ نے آپ حکومت کے وکیل سے کہا کہ اس پر غور ...

عدالت نے منی لانڈرنگ کیس میں گوتم کھیتان اور تین دیگر کو طلب کیا

دہلی کی ایک عدالت نے منی لانڈرنگ کے ایک معاملے میں ای ڈی کی طرف سے چارج شیٹ داخل کئے جانے کے بعد پیر کو وکیل گوتم کھیتان، ان کی بیوی ریتو اور دو کمپنیوں اسمیکس اور ونڈفور کو طلب کیا۔خصوصی جج اروند کمار نے چاروں ملزمان کو چار مئی کو پیش ہونے کے لئے کہا ہے

سبرامنیم سوامی بولے: میں برہمن ہوں، چوکیدار نہیں ہو سکتا

کانگریس کی جانب سے 'چوکیدار چور ہے" کا نعرہ اچھالے جانے کے جواب میں بھارتیہ جنتا پارٹی نے " میں بھی چوکیدار ہوں' کیمپین شروع کیا۔ اس کے بعد وزیر اعظم نریندر مودی سمیت بی جے پی کے تقریبا سبھی لیڈران نے مائیکرو بلاگنگ سائٹ ٹویٹر پر اپنے نام کے آگے 'چوکیدار' لفظ لگایا لیا۔