ای ڈی نے مہاراشٹر میں مالیا کے 100 کروڑ روپے کے فارم ہاؤس پر قبضہ کر لیا

Source: S.O. News Service | Published on 18th May 2017, 11:54 PM | ملکی خبریں |

نئی دہلی،18مئی(ایس او نیوز/آئی این ایس انڈیا) انفورسمنٹ ڈائریکٹوریٹ (ای ڈی) نے جمعرات کو مہاراشٹر کے علی باغ میں شراب کاروباری وجے مالیا کی ملکیت والے ایک فارم ہاؤس کو ان کے خلاف منی لانڈرنگ الزامات کی جانچ کے سلسلے میں قبضہ کر لیا۔ ایجنسی نے گزشتہ ستمبر میں درمیان کے پاس 17 ایکڑ میں پھیلے اس فارم ہاؤس کو منی لانڈرنگ سراغ رساں قانون کی دفعات کے تحت عارضی طور پر ضبط کیا تھا۔ای ڈی نے اپریل میں وہاں رہ رہے لوگوں کو جگہ خالی کرنے کا حکم دیا تھا۔ایجنسی نے ایک بیان میں کہا کہ یہ پراپرٹی مانڈوا فارمس پرائیوٹ لمیٹڈ ہے جس پر مالیا کا قبضہ ہے۔ ایجنسی کے ممبئی آفس کی ایک ٹیم نے جمعرات کو فارم ہاؤس پر قبضہ سے متعلق حکم چسپاں کیا۔ مہاراشٹر کے رائے گڑھ میں علی باغ کی اس جائیداد کی رجسٹرڈ قیمت 25 کروڑ ہے جبکہ مارکیٹ کی قیمت 100 کروڑ روپے سے زیادہ ہے۔ اس میں کہا گیا ہے کہ مانڈوا فارمس پرائیوٹ لمیٹڈ نے عارضی ضبطی کے ای ڈی کے حکم کے خلاف اپیل اتھارٹی میں اپیل کی تھی۔ اتھارٹی نے دو دن پہلے ہی درخواست کو مسترد کر دیا تھا۔
 

ایک نظر اس پر بھی

سورت ریپ قتل کیس:13دن بعد 3ملزم حراست میں

گجرات کے سورت میں 13 دن پہلے 11سال کی ایک بچی کی آبروریزی کے بعد قتل کئے جانے کا معاملہ سلجھا لیا گیا ہے۔ احمد آباد کرائم برانچ نے اس معاملے میں 3 افراد کو حراست میں لیا ہے۔

یوپی:باندہ میں آبروریزی کے جرم میں سات سال کی قید

یوپی میں باندہ کی ایک عدالت نے آبروریزی کے جرم میں ایک شخص کو سات برس کی قید اور جرمانے کی سزا سنائی ہے۔استغاثہ کے مطابق بدوسہ علاقہ کے ایک گاؤں کی رہنے والی خاتون 24نومبر 2015کو اپنے گھر میں سو رہی تھی۔

آندھرا کوخصوصی ریاست کا درجہ دلانے کے لیے چندر بابو نائیڈوبھوک ہڑتال پر بیٹھے

آندھرا پردیش کے وزیر اعلی این چندرا بابو نائیڈو مرکزی حکومت کے ذریعہ ریاست کو خاص درجہ (ایس سی ایس ) نہیں دئے جانے کے خلاف آج یہاں آئی جی ایم اسٹیڈیم میں دھرم پورتا گیلری میں ایک روز ہ بھوک ہڑتال پر بیٹھے ۔