الیکشن کمیشن کی میزروم میں پرامن ووٹنگ کی اپیل
نئی دہلی،8نومبر (ایس او نیوز؍آئی این ایس انڈیا ) الیکشن کمیشن نے میزورم کے کولاسک میں منگل کو ہو نے والے پرتشدد واقعہ پر گہری تشویش کا اظہار کیا اور ریاست میں تمام فریقوں سے پرامن انتخابات کو یقینی بنانے کے لیے مل کرکام کرنے کی اپیل کی ہے۔الیکشن کمیشن نے یہاں ایک بیان جاری کرکے کہاہے کہ ’’کمیشن میزورم میں سماج کے پرامن طرزعمل اور روایت کو برقرار رکھنے کی توقع کرتا ہے اور ہ سبھی سے مل کر کام کرنے کی اپیل کرتا ہے، تاکہ انتخابی عمل کے دوران اس طرح کے مزید واقعہ کا تکرار نہ ہو اور ہمیشہ کی طرح زیادہ سے زیادہ لوگوں کی شرکت کے ساتھ الیکشن پرامن طریقے سے ختم ہو‘‘۔قابل ذکر ہے کہ تری پورہ کے ریلیف کیمپوں سے بغیر سماعت کیتقریبا پانچ سو بروس یا ریانگ پناہ گزینوں کی نامزدگی کے خلاف بڑی تعداد میں لوگوں نے آسام سرحد کے قریب ’ولاسب‘ ضلع کے ڈپٹی کمشنر آفس کے سامنے مظاہرہ کیا۔اس دوران ڈپٹی کمشنر ٹی ارون نے ناراض لوگوں کو سمجھاتے ہوئے اس بات کی یقین دہانی کرائی کہ بغیر ضروری سماعت کے اس سال کے اوائل میں ہونے والے معاہدے پر میزورم منتقل ہونے کی چاہ رکھنے والے رانگ یا بروس پناہ گزینوں کا اندراج نہیں کیا جائے گا۔