پانی پت7نومبر ( ایس او نیوز؍آئی این ایس انڈیا ) انیلو کے نکالے گئے حصار کے ایم پی دشینت چوٹالہ نے منگل کو مرکز کی بی جے پی حکومت میں وزیر اور گڑگاؤں کے ایم پی راؤ اندرجیت سے ملاقات کی۔ ملاقات اندرجیت کے دہلی واقع سرکاری رہائش لودھی اسٹیٹ پر ہوئی۔ اجے چوٹالہ اور راؤ اندرجیت کے درمیان سالوں سے اچھے تعلقات ہیں۔سیاست میں بہت سے مواقع ایسے ہیں جب پارٹی لائن سے ہٹ کر اندرجیت اور اجے نے کھل کر ایک دوسرے کی مدد کی ہے۔ اندرجیت کانگریس میں رہتے ہوئے بھی دیوی لال جینتی کے موقع پر کروکشیتر میں منعقد پروگرام میں گئے تھے۔ کچھ ماہ پہلے اندرجیت نے ایس وائی ایل کے معاملے پر وزیر اعظم نریندر مودی سے ملاقات کا وقت مانگا تو دشینت چوٹالہ نے بھی ان کے خط پر دستخط کئے تھے۔ اب دونوں کے درمیان ملاقات کے بڑے معنوں نکالے جا رہے ہیں۔ مانا جا رہا ہے کہ دیوالی کے بعد کوئی بڑا فیصلہ لیا جا سکتا ہے۔