دہلی: سائبر ٹیکس فراڈ کے بڑے معاملہ کا پردہ فاش، 262 کروڑ روپے کا لگا چونا
نئی دہلی :12/دسمبر(ایس او نیوز/آئی این ایس انڈیا)دہلی حکومت و یٹ GST محکمہ نے سائبر ٹیکس طرح دھوکہ دہی کی بڑے معاملہ کا پردہ فاش کیا ہے۔ اس معاملے میں کچھ سائبر مجرم دہلی حکومت اور بینکو کے ویٹ کے سیکشن کے پاس ورڈ چراکر 262 کروڑ روپے کا چونا لگا چکے ہیں۔ ٹیکس محکمہ نے بتایا کہ یہ فراڈ سال 2013 سے چل رہا تھا۔ دہلی کے نائب وزیر اعلی منیش سسودیا نے اس کی اطلاع دی ہے ۔ دہلی کے نائب وزیر اعلی منیش سسودیا نے بتایا کہ دہلی میں 27 بینکوں کے ذریعہ ٹیکس جمع کیا جاتا ہے۔ سائبر مجرموں نے 13 بینکوں اور متعلقہ محکمہ کے مخصوص پاس ورڈ چرائے اور 262 کروڑ روپے کے لین دین اس میں ظاہر کیا ۔بتایا جا رہا ہے کہ یہ فراڈ سال 2013 سے چل رہا تھا اور اس میں 8 ہزار 700 تاجروں بھی شامل تھے۔ حکومت نے بتایا کہ تین ماہ پہلے ہمیں اس کی اطلاع ملی تھی، اس وقت سے ہم اس پر نظر بنائے ہوئے تھے اور نظام کو ہائی الرٹ پر رکھا ہوا تھا۔ حکومت نے اقتصادی کرائم برانچ (EOW) میں اس کا ایف آئی آر بھی درج کروا دیا ہے ۔ سسودیا نے کہا کہ اگر محکمہ میں بھی ملی بھگت ہو گی کسی کو چھوڑا نہیں جائے گا، اس فراڈ میں کون لوگ شامل تھے اس کی تحقیق ہونا باقی ہے ۔