احمد آباد، 9؍ دسمبر (ایس او نیوز؍آئی این ایس انڈیا) گجرات اسمبلی انتخابات کے پہلے مرحلے کے لئے جاری ووٹنگ کے درمیان کانگریس نائب صدر راہل گاندھی نے 11 سوالات کیے۔ اس بار انہوں نے پی ایم نریندر مودی سے پوچھا کہ ان کی تقاریر سے’وکاس ‘ کہاں غائب ہوگیا ہے ۔ راہل نے پوچھا کہ کیا اب ’بھاشن ‘ ہی ’ساشن ‘ ( حکومت ) ہے ؟
کانگریس نائب صدر نے یہ بھی پوچھا کہ اب تک وہ 10 سوال پوچھ چکے ہیں لیکن کسی بھی سوال کا جواب نریندر مودی نے نہیں دیا ہے۔ ساتھ ہی بی جے پی کی جانب سے انتخابی منشور جاری نہ کرنے پر بھی نشانہ لگایا۔ راہل گاندھی نے کہا کہ میں صرف اتنا پوچھوں گا کیا وجہ ہے کہ اس بارنریندر مودی کی تقاریر سے ’ وکاس ‘ سرسے سے غائب ہے ۔راہل گاندھی نے کہا کہ میں نے گجرات کے رپورٹ کارڈ سے 10 سوال پوچھے تھے ؛ لیکن ان کا بھی کوئی جواب نہیں ملا ۔
پہلے مرحلے کی تشہیر ختم ہونے تک پارٹی کا انتخابی منشور جار ی کیا گیا ، کیا اس سے واضح ہو تاہے کہ اب ’ بھاشن(تقریر ) ہی ’ساشن ‘ ہے۔ راہل گاندھی کے اس آخری سوال سے فلم ’ باہو بلی‘ کے مشہور ڈائیلاگ کی یاد تازہ ہوگئی ۔ غور طلب ہے کہ آج گجرات میں اسمبلی میں پہلے مرحلے کے لئے ووٹنگ اپنے اختتام کو پہنچی۔ اس دور میں وزیراعلیٰ وجے روپانی، کانگریس کے لیڈر شکتی سنگھ گوہل سمیت کئی سابق لیڈروں کی قسمت ای وی ایم میں قید ہو گئی ہے۔ وجے روپا نی کا کہنا ہے کہ گجرات میں بی جے پی کے سامنے کسی کا کوئی چیلنج نہیں ہے۔ وہیں کانگریس کے لیڈر احمد پٹیل نے دعویٰ کیا ہے کہ کانگریس 110 سے زیادہ سیٹیں جیتنے جا رہی ہے۔