نتائج سے پہلے ہی بھوپال میں لگے کمل ناتھ کی حکومت کے پوسٹر، بی جے پی لیڈرنے کہا،شکست ہوگئی تووزیراعلیٰ اکیلے ذمہ دارہوں گے
نئی دہلی،11؍ دسمبر (ایس او نیوز؍آئی این ایس انڈیا) مدھیہ پردیش میں ہوئے اسمبلی انتخابات کے نتائج منگل کو اعلان کئے جانے ہیں۔لیکن نتائج سے پہلے ہی کانگریس کارکنان میں جوش نظر آ رہا ہے۔ایگزٹ پول کے نتائج سے کافی خوش کانگریس کارکنوں نے بھوپال واقع پارٹی دفتر کے باہر مبارک کے پوسٹر بھی چسپاں کر دیئے ہیں۔خاص بات یہ ہے کہ ان پوسٹروں میں سینئر لیڈر کمل ناتھ کی قیادت کو فتح کرنے کا سبب بتایا گیا ہے۔کارکنوں نے پوسٹر میں لکھا ہے کہ کمل ناتھ جی کی قیادت میں کانگریس کی حکومت کا ہیلو ۔غور طلب ہے کہ نتائج سے پہلے آئے سب ایگزٹ پول میں کانگریس کو برتری دکھائی گئی ہے۔کچھ ایگزٹ پول میں کانگریس اور بی جے پی میں کانٹے کی ٹکر بھی دکھائی گئی ہے۔بتا دیں کہ کانگریس لیڈر جیت یقین ظاہر کررہے ہیں۔لیکن نتائج سے پہلے ہی وزیر اعلی کے عہدے کی جنگ بھی شروع ہو گئی ہے۔انتخابات سے پہلے ہی کمل ناتھ اور جیوتی رادتیہ سندھیا کے نام کے قیاس لگائے جا رہے تھے۔کئی مواقع پر کانگریس صدر راہل گاندھی سے سوال بھی داغا گیا کہ کانگریس کی حکومت بنتی ہے تو وزیر اعلی کون ہوگا۔کمل ناتھ مدھیہ پردیش کانگریس کے صدر ہیں تو وہیں جیوتی رادتیہ سندھیا کو انتخابی مہم کمیٹی کی ذمہ داری دی گئی تھی۔غور طلب ہے کہ مدھیہ پردیش کی 230 اسمبلی سیٹوں پر 28 نومبر کو ووٹ ڈالے گئے تھے۔اس بار 75 فیصد کے قریب پولنگ ہوئی تھی۔ بتا دیں کہ نتائج سے پہلے بی جے پی کے رہنماؤں کے درمیان بھی بیان بازی چل رہی ہے۔بی جے پی کے سابق ایم پی رگھونندن شرما کا کہنا ہے کہ لگتا ہے ہمیں بڑا نقصان ہونے والا ہے، ایگزٹ پول ہمارے حق میں نہیں ہیں۔انہوں نے کہا کہ اگر وزیر اعلی شیوراج سنگھ چوہان اکیلے جیت کا کریڈٹ لیتے ہیں تو شکست کی ذمہ داری بھی انہی کی ہے۔
