شملہ ،02 ؍فروری ( ایس او نیوز؍آئی این ایس انڈیا) ہماچل پردیش میں ہفتہ کو سردی کا قہر جاری رہا تاہم دارالحکومت شملہ سمیت کئی علاقوں میں دھوپ بھی نکلی۔موسمیات محکمہ نے اگلے ہفتے برفباری اور بارش کی پیشن گوئی کی ہے۔شملہ کے منحکمہ موسمیات کے مطابق چار فروری کے بعد سے ریاست کے دور دراز علاقوں میں ہلکی بارش اور برفباری ہو سکتی ہے۔ریاست میں پانچ سے آٹھ فروری تک درجہ حرارت میں مزید کمی آسکتی ہے۔ محکمہ نے بتایا کہ کم از کم درجہ حرارت منالی میں صفر سے نیچے 3.8 ڈگری سیلسیس،کپھری میں صفر سے نیچے 2.2 اور ڈلہوزی میں صفر سے نیچے 2.2 ڈگری سیلسیس ریکارڈ کیا گیا۔لاہول اوراس کے قرب کا علاقہ ریاست کا سب سے ٹھنڈا علاقہ رہا جہاں کم از کم درجہ حرارت صفر سے نیچے 14 ڈگری سیلسیس ریکارڈ کیا گیا۔وہیں کالپا میں درجہ حرارت صفر سے نیچے 7.8 ڈگری سیلسیس رہا۔شملہ میں کم از کم درجہ حرارت 2.2 ڈگری سیلسیس ریکارڈ کیا گیا۔محکمہ موسمیات نے بتایا کہ جمعہ کی شام ساڑھے پانچ بجے سے ہفتہ صبح ساڑھے آٹھ بجے تک ڈلہوزی میں آٹھ سینٹی میٹر، کالپا میں سات سینٹی میٹر اور کھری میں چار سینٹی میٹر برفباری ہوئی۔