نئی دہلی25جولائی(ایس او نیوز؍آئی این ایس انڈیا)دہلی این سی آر میں سی این جی پی ،این جی کے دام بڑھ گئے ہیں۔دہلی میں سی این جی 1.11روپے فی کلو اور 1.27روپے فی کلو نوئیڈا، گریٹر نوئیڈا اور غازی آبادمیں بڑھے ہیں۔اب دہلی میں سی این جی کی قیمت 38.76روپے فی کلوہوگی جبکہ نوئیڈا، گریٹر نوئیڈا اور غازی آباد میں سی این جی کی قیمت 44.42روپے فی کلوہوگی۔بڑھے ہوئے دام منگل آدھی رات سے لاگو ہو جائیں گے۔اس کے علاوہ پی این جی کے دام دہلی میں 33پیسے فی کیوبک میٹر بڑھائے گئے ہیں۔اب دہلی میں پی این جی کی قیمت 25.19روپے فی کیوبک میٹر ہو گی۔جبکہ نوئیڈا، گریٹر نوئیڈا اور غازی آباد میں پی این جی ڈی کی قیمتوں میں36پیسے فی کیوبک میٹر کا اضافہ ہوا ہے۔اب یہاں پی این جی کی 26.37روپے فی کیوبک میٹر ملے گی۔اندرپرستھ گیس لمیٹڈنے کہاکہ رات 12:30بجے سے صبح 5بجے کے درمیان سی این جی خریدنے پر وہ ڈیڑھ روپے فی کلو گرام کی چھوٹ دیناجاری رکھیں گے۔اس وقت دہلی میں سی این جی37.26روپے فی کلو اور نوئیڈا، گریٹر نوئیڈا اور غازی آبادمیں42.92روپے فی کلو ملے گی۔