ہنومان کو دلت قرار دینے پر چندر شیکھر آزاد نے کہا؛ دلتوں کو چاہیئے کہ وہ ہنومان مندروں پر قبضہ کرے

Source: S.O. News Service | By Jafar Sadique Nooruddin | Published on 3rd December 2018, 1:41 AM | ملکی خبریں |

مظفر نگر :2/ڈسمبر ( ایس او نیوز)چیف منسٹر اترپردیش آدتیہ ناتھ کی جانب سے دعویٰ کئے جانے کے بعد کہ لارڈہنومان دلت تھے ، بھیم آرمی کے سربراہ چندر شیکھر نے آج کہاکہ دلت برادری کے افراد کو چاہئے کہ وہ ملک بھر میں تمام ہنومان مندروں پر قبضہ کرلیں اور وہاں دلتوں کو پجاری بنادیا جائے ۔ راجستھان کے الور ضلع میں ایک ریلی کے دوران آدتیہ ناتھ نے کہاتھا کہ ہنومان ایک دلت تھے ۔ انہوں نے تمام برادریوں کو متحد کرنے کاکام کیاتھا۔ اس پر اپنے رد عمل میں چندرشیکھر آزاد نے میڈیا سے بات کرتے ہوئے کہاکہ دلتوں کو چاہئے کہ وہ ملک بھر میں تمام ہنومان مندروں پر قبضہ کرلیں اور وہاں دلت پجاریوں کا تقرر عمل میں لایا جائے ۔ آدتیہ ناتھ کو ان ریمارکس پر راجستھان کے ایک گروپ نے قانونی نوٹس روانہ کیاہے اور ان سے کہاکہ وہ لارڈہنومان کو دلت قرار دینے پر معذرت خواہی کریں ۔ گذشتہ ہفتے قومی قبائلی کمیشن کے صدر نشین نندکمار سائی نے یہ دعویٰ کیاتھا کہ لارڈہنومان ایک قبائلی تھے ۔ انہوں نے کہاکہ وہ دعویٰ سے یہ بات کہہ سکتے ہیں ۔ 

ایک نظر اس پر بھی

وندے بھارت مشن کے تحت مزید 6ممالک  کے بھارتی  لوٹیں گے وطن : پرائیویٹ ہوائی جہازوں کے استعمال کا فیصلہ

کووڈ لاک ڈاؤن کی وجہ سے گزشتہ دو مہینوں سے مختلف بیرونی ممالک میں پھنسے ہوئے بھارتیوں کے لئے بڑی بری خبر ہے کہ فی الحال بین الاقوامی ہوائی جہاز کی خدمات شروع نہیں ہونے کی جانکاری ملی ہے۔

کورونا: جرمنی کو پیچھے چھوڑ ساتویں مقام پر پہنچا ہندوستان، 24 گھنٹے میں 230 اموات

  ملک میں كورونا وائرس کے نئے کیسز میں دن بہ دن ہو رہے اضافہ سے متاثرین کی کل تعداد 1.90 لاکھ سے تجاوز کر گئی ہے اور ہندوستان سب سے زیادہ متاثر ممالک کی فہرست میں فرانس اور جرمنی کو پیچھے چھوڑ کر ساتویں مقام پر پہنچ گیا ہے۔