سی ڈی بنانے کے چکرمیں انتخابی منشوربنانابھول گئی بی جے پی : ہاردک پٹیل
سورت8دسمبر(ایس او نیوز؍آئی این ایس انڈیا)منی شنکرایئرکے تبصرہ کے بعدجہاں مودی اینڈکمپنی اسے بھنانے اورسیاسی فائدہ اٹھانے کی کوشش میں لگی ہے ،وہیں پٹیل لیڈرنے مودی پربھی وزیراعلیٰ رہتے ہوئے نازیباالفاظ استعمال کرنے کاالزام لگاکرجم کرگھیرلیاہے ۔گجرات اسمبلی انتخابات کیلئے کل ہونے والے پہلے مرحلے کے انتخابات کی تشہیر ختم ہونے تک برسر اقتدار بی جے پی کی جانب سے انتخابی منشور جاری نہ ہونے پر آج پاٹی دار ارکشن آندولن سمیتی (پاس) کے لیڈر ہاردک پٹیل نے آج طنزیہ لہجے میں کہاکہ لگتا ہے کہ ان کی فرضی سیکس سی ڈی بنانے کے چکر میں بی جیپی انتخابی منشور ہی بنانا بھول گئی ہے۔ لیکن چوطرفہ طنزکے بعدبالآخربی جے پی نے انتخابی منشورجاری کردیا۔ہاردک نے وزیر نریندر مودی کے لئے کانگریس لیڈر منی شنکر ایئرکے نیچ لفظ کا استعمال کرنے کے معاملے میں ماضی میں مسٹر مودی کے نگریس کی صدر سونیا گاندھی کیلئے مبینہ طورپر توہین آمیز زبان کااستعمال کرنے پر بھی طنز کیا۔پٹیل لیڈر نے آج نامہ نگاروں سے کہا کہ سی ڈی بنانے کے چکر میں بی جے پی انتخابی منشوربنانا بھول گئی ،کل ووٹنگ ہے۔انہوں نے مسٹر مودی پر اس معاملے میں براہ راست طنز کرتے ہوئے یہ بھی کہاکہ گجرات میں ترقی کے ساتھ ساتھ انتخابی منشور بھی لاپتہ ہے۔صاحب کوئی کچھ بھی نہیں کہے گا مہربانی کرکے آپ ایک بارانتخابی منشور اپنے انداز میں پیش کردیجئے۔ایئر معاملے کے سلسلے میں ہاردک نے کہا کہ کانگریس پارٹی کے لیڈر نے غلط لفظ استعمال کیا اور پارٹی نے اسے معطل کردیا،لیکن حال میں وزیراعظم جب وزیراعلیٰ تھے تب انتخابی تشہیر میں ہندوستان کی بہوکوبار گرل کہتے تھے کیا وہ صحیح تھا؟پہلے ااپ نے سونیا جی کی توہین کی اور اب آپ کے اوپر آیا توغلط لگتاہے۔ہاردک نے کہاکہ کالر اونچا کرکے ووٹ دینے جائیں تو ہم فخر سے کہہ پائیں گے کہ ہم نے دنیا کی سب سے بڑی پارٹی (بی جے پی کانام نہیں)کو گرا دیا۔انہوں نے آج یہاں سنت موراری باپو کی کتھا میں انتخابی ضابطہ اخلاق کے نام پر انہیں جانے سے روکنے کیلئے بھی بی جے پی کی تنقیدکی۔