بھٹکل :19؍نومبر (ایس او نیوز)تعلقہ کی شرالی تٹی ہکل سرکاری ہائر پرائمری اسکول کی پلاٹنیم جوبلی کے موقع پر اسکول کے ابنائے قدیم کے لئے کھیل مقابلوں کا انعقادکیا گیا ۔پلاٹنیم  جوبلی کمیٹی کے صدر وکیل سنتوش نائک نے تٹی ہکل میدان میں کھیل کی مشعل کو روشن کرتے ہوئے کھیل مقابلوں کا افتتاح کیا۔

اس موقع پر خطاب کرتے ہوئے کہاکہ کھیل زندگی کا ایک اٹوٹ حصہ ہے ، پڑھائی کے ساتھ کھیل اور ثقافتی سرگرمیاں انسان کی تکمیل کرتی ہیں۔ آج کے نوجوانوں اور طلبا  میں کھیل کی طرف زیادہ توجہ نہیں ہونا افسوس ناک ہے۔ اس سلسلے میں والدین اور اساتذہ کو دھیان دینےکی ضرورت ہے۔ سابق گرام پنچایت ممبر نجیب صاحب نے بھی اپنے خیالات کااظہار کیا۔ دوڑ، کبڈی، والی بال سمیت کئی مقابلے ہوئے۔ بینا وئیدیا اسکول کے فزیکل ٹیچر کرشنپا نائک نے کھیل مقابلوں میں تعاون کیا۔ اسکول ترقی کمیٹی کے صدر ناگراج کوڈیا، جوبلی کمیٹی کے ممبران کرشنا سبرائے نائک، وینکٹیش شانبھاگ، علی اکبر، پرمیشورنائک، ایشور نائک وغیرہ موجود تھے۔