نئی دہلی13جون (ایس او نیوز؍ آئی این ایس انڈیا ) بھیو مہاراج کی لاش آج اندور میں ان کے گھر پہنچی، ان کی موت سے پورا خاندان غم میں ڈوبا ہے۔ بھیونے بدھ کو خود سے اپنی کنپٹی پر گولی مار کر خودکشی کی تھی۔ اہل خانہ کو پتہ نہیں چل سکا ہے کہ بھیو نے یہ قدم کن حالات میں اٹھایا لیکن ایسا بتایا جا رہا ہے کہ خاندانی اختلاف کے چلتے انہوں نے یہ قدم اٹھایا ہے ۔ ایک سوسائڈ نوٹ بھی سامنے آیا، جس میں لکھا تھا کہ وہ کافی کشیدگی میں تھے ۔ بھیو مذہبی رہنما ہونے سے ساتھ سیاسی گلیارے میں بھی گہری دسترس رکھتے تھے۔ ان کو آخری دیدار کے لئے اندور کے ایک آشرم میں رکھا گیا ہے۔ان کی آخری رسومات ان کی بیٹی ادا کرے گی۔ مدھیہ پردیش کے وزیر اعلی شیوراج سنگھ نے حال ہی میں ان ریاستی وزیرکا درجہ دیا تھا۔ بھیو مہاراج کی موت پر شیوراج سنگھ نے گہرا غم جتایا تھا۔ سی ایم شیوراج سنگھ کے علاوہ بی جے پی اور کانگریسی لیڈروں نے بھی ان کے موت پر غم جتایا.