کامدھینو لمیٹڈ کا شاندار مظاہرہ
پٹنہ :یکم /فروری (ایس اونیوز /آئی این ایس انڈیا)برانڈیڈ ٹی ایم ٹی کے بار بنانے والی ملک کی سب سے بڑی کمپنی کامدھینو لمیٹڈ نے 31 دسمبر، 2018 کو ختم ہونے والی سہ ماہی اور نوماہیمدت کے غیر آڈٹ شدہ مالیاتی نتائج جاری کئے ہیں۔کمپنی کے چیئرمین اور منیجنگ ڈائریکٹر ستیش کمار اگروال نے ان نتائج اور کارکردگی پر کہا کہ"مالی سال 2019 کی نو ماہی کے دوران ہمارا مظاہر شاندار رہا ہے۔ ہم بازار کو ما ت دینے میں کامیاب رہے ہیں۔ ہمارا منافع 66 فیصد بڑھ کر 17کروڑ روپیہ درج ہوا ہے۔ اس دوران رائیلٹی سے ہونے والی آمدنی میں 35 فی صد اضافہ ہوا اور یہ روپیہ 60 کروڑ تک پہنچا۔ ہم اسیٹ لائٹ بزنس ماڈل، مضبوط برانڈ رائیلٹی اور تقسیم و مارکیٹنگ نیٹ ورک کی اپنی طاقتوں کا فائدہ اٹھا رہے ہیں۔گزشتہ چند مہینوں میں، ہم نے B2B ٹریڈنگ سیلس کو کم کرنے اوراپنی مینوفیکچرنگ صلاحیت وفرنچائزی پر مبنی کاروبار میں اہلیتوں کو بہتر بنانے پر توجہ مرکوز کی ہے۔ اس سے مارجن اور صلاحیتیں بہترہوں گے اورساتھ ہی آر او ای اورآر او سی ای زیادہ ہوگا۔ اس سے یہ کام کرنے کی پونجی کی ضرورتوں کو مؤثر طریقے سنبھالنے میں بھی مدد ملے گی۔کمپنی2020 تک، رائیلٹی آمدنی کو 100 کروڑ تک پہنچانے کے ہدف کی جانب گامزن ہے۔