بابری مسجدمعاملہ :سیاسی لیڈروں کے بیانات سخت قابلِ مذمت،مسلم پرسنل لاء بورڈنے حتمی سماعت کے لیے موجودہ حالات کونامناسب قراردیا
نئی دہلی، 06؍دسمبر (ایس او نیوز؍آئی این ایس انڈیا)آل انڈیامسلم پرسنل لا بورڈکے جنرل سکریٹری مولانامحمدولی رحمانی نے اپنے صحافتی بیان میں کہاہے کہ بابری مسجد کے تنازعات سے متعلق معاملہ گذشتہ کل معززسپریم کورٹ نے سماعت کی تھی۔انہوں نے کہاکہ دلائل کی پیشی کے دوران مسلمانوں کی طرف سے نمائندگی کرتے ہوئے مؤکل کی جانب سے ان کی ہدایتوں پرایک موقف لیاگیاتھا،یہ بتاتے ہوئے کہ یہ حتمی سماعت کرنے کاصحیح وقت نہیں تھا۔ ہم ایک نمائندہ تنظیم کی حیثیت سے اس بات کے صحیح ہونے کی تصدیق کرتے ہیں۔اس معاملہ کی حساسیت اور میڈیا کی رپورٹوں کو دیکھتے ہوئے آل انڈیا مسلم پرسنل لا بورڈاپناموقف واضح کررہاہے۔بورڈاس بات کو بھی واضح کرنا چاہتا ہے کہ الگ الگ لیڈروں نے جو رام مندر کی تعمیر اور اسکی تاریخ کے بارے میں بیانات دیئے ہیں وہ ایک افسوسناک پہلو ہے اور بورڈ ان باتوں کی مذمت کرتا ہے کیونکہ یہ معاملہ ابھی عدالت عظمی میں زیر کارروائی ہے۔بورڈ کی یہ توقع ہے کہ سیاسی جماعتیں کل کی عدالتی کارروائی کے بارے میں اس طرح کے بیانات نہیں دیں گی جیساکہ کل سے سننے میں آرہاہے۔