نئی دہلی،09؍ ستمبر (ایس او نیوز؍آئی این ایس انڈیا) آر ایس ایس سربراہ موہن بھاگوت کے بیان پراے آئی ایم ایم کے سربراہ اسد الدین اویسی نے پوچھا ہے کہ آخر کون کتا ہے اور کون شیر؟ اویسی نے کہاکہ بھارت کے آئین میں سب کو انسان تصور کیا گیا ہے نہ کہ کسی کوکتایاشیر۔آر ایس ایس کے سب سے بڑی دقت ہے کہ آر ایس ایس کو آئین پر یقین نہیں ہے۔آپ کو بتا دیں کہ راشٹریہ سویم سیوک سنگھ (آر ایس ایس) سربراہ موہن بھاگوت نے ہندوؤں سے ایک ہونے کی اپیل کی اور کہا کہ اگر کوئی شیر اکیلا ہوتا ہے، تو جنگلی کتے بھی اس پر حملہ کر اپنا شکار بنا سکتے ہیں۔ شکاگو میں منعقد دوسری وشو ہندو کانگریس میں کہاہے کہ2500 نمائندوں سے خطاب کرتے ہوئے کہا کہ ہندوؤں میں اپنا تسلط قائم کرنے کی کوئی خواہش نہیں ہے۔انہوں نے کہاکہ ہندوسماج تبھی لائق ہوگا جب وہ معاشرے کے طور پر کام کرے گا۔بھاگوت نے کہاہے کہ ہمارے کام کے ابتدائی دنوں میں جب ہمارے کارکن ہندوؤں کو متحد کرنے کو لے کر ان سے باتیں کرتے تھے تو وہ کہتے تھے کہ شیرکبھی ریوڑمیں نہیں چلتا لیکن جنگل کا بادشاہ شیر یا رائل بنگال ٹائیگر بھی تنہا رہے تو جنگلی کتا اس پرحملہ کرکے اپنا شکار بنا سکتے ہیں۔ہندو سماج میں سب سے زیادہ باصلاحیت لوگوں کے ہونے کا ذکر کرتے ہوئے آر ایس ایس کے سربراہ نے کہاکہ ہندوؤں کا ایک ساتھ آنا اپنے آپ میں ایک مشکل چیزہے۔ انہوں نے کہا کہ ہندومذہب میں کیڑے کو بھی نہیں مارا جاتا ہے، بلکہ اس پر کنٹرول کیا جاتا ہے۔