جموں،21؍اکتوبر (ایس او نیوز؍آئی این ایس انڈیا) آرمی چیف جنرل بپن راوت نے کہا کہ کشمیر میں بنیاد پرستی کامسئلہ’’ بہت سنجیدگی سے ‘‘حل کیا جا رہا ہے۔ انہوں نے سوشل میڈیاپر اس کے فروغ کے لیے بھی الزام لگایا۔ایک دن کے دورے پر آئے راوت نے ریاست میں چوٹی کاٹنے کی مبینہ واقعات کے مسئلے کوعام موضوع بتایااورکہاکہ اس سے شہری انتظامیہ اورپولیس کونمٹنا ہے۔راوت نے کہاکہ بنیادپرستی ہو رہی ہے۔یہ پوری دنیا میں ہو رہی ہے۔ہم اس کے ساتھ کام کر رہے ہیں۔راوت نے کہاکہ جموں وکشمیرحکومت،پولیس،انتظامیہ اور سبھی بنیاد پرستی کے بارے میں فکر مندہیں۔ راوت نے کہاکہ ہم اس بات کو یقینی بنانے کی کوشش کر رہے ہیں کہ لوگ اس بنیاد پرستی سے دوررہیں۔آرمی چیف نے عوام کی بنیاد پرستی کو سوشل میڈیاسے منسوب کیا۔