عظیم اتحادملک کے لیے اچھانہیں،اپوزیشن کے پاس کوئی نظریہ اورکوئی لیڈرنہیں ہے، امت شاہ کوپھرمہاگٹھ بندھن سے شکایت،کانگریس اورلیفٹ کونشانہ بنایا
پلکڑ، 22 فروری(ایس او نیوز؍آئی این ایس انڈیا) جھک کرلوجپا،شیوسینا،جدیواورڈی ایم کے کے ساتھ اتحادکرنے والی بی جے پی صدر امت شاہ نے جمعہ کو اپوزیشن پارٹیوں کے مجوزہ مہاگٹھ بندھن پر حملہ کرتے ہوئے کہا کہ یہ ملک کے لیے اچھا نہیں ہے۔
اس سے قبل خودبی جے پی مختلف ریاستوں میں علاقائی پارٹیوں کی شرطوں پراتحادکررہی ہے جسے کانگریس نے مہاخوف بتایاہے۔لیکن اپوزیشن کے اتحادپراسے الرجی ہے ۔امت شاہ نے یہاں پارٹی کی ایک ریلی سے خطاب کرتے ہوئے کہا کہ اتحاد اقتدار حاصل کرنے کا ایک مورچہ صرف ہے اور اس کا کوئی نظریہ یا لیڈر نہیں ہے۔
بی جے پی صدر آئندہ لوک سبھا انتخابات کے لیے پارٹی کی تیاریوں کا جائزہ لینے کے لیے یہاں آئے تھے۔انہوں نے کہاہے کہ 2019 کے انتخابات پارٹی کے لیے اہم ہوں گے۔ پارٹی اقتدارمیں لوٹے گی اورکیرالہ کے ایم پی مرکزی حکومت میں شامل ہوں گے۔امت شاہ نے کہا کہ ملک کے لیے بھی انتخابات اہم ہیں۔
انہوں نے کہا کہ راہل گاندھی مہاگٹھ بندھن بنانے کوکوشاں ہیں۔یہ ملک کے لیے اچھی بات نہیں ہے۔مہاگٹھ بندھن کاکوئی نظریہ، اس کا کوئی لیڈر نہیں ہے۔کیرالہ میں حکمران بائیں پارٹی اور کانگریس پر نشانہ لگاتے ہوئے بی جے پی صدر نے کہا کہ کمیونسٹ پارٹی کا دنیا میں وجود نہیں بچاہے۔انہوں نے کہا کہ ملک میں کانگریس پارٹی کی یہی صورت حال ہے۔ این ڈی اے ریاست میں بڑی جیت کا منصوبہ بنا رہی ہے۔شاہ نے کہاہے کہ نریندر مودی کو ایک موقع دیں۔ہم کیرالہ کو ملک کی نمبرایک ریاست بنائیں گے۔