نئی دہلی،3 دسمبر ( ایس او نیوز؍آئی این ایس انڈیا)گجرات اسمبلی انتخابات سے پہلے الیکشن کمیشن کی طرف سے مقرر معائنہ اور اخراجات کی نگرانی ٹیموں نے اب تک تقریباً9.61لاکھ لیٹر شراب، 1.71کروڑ روپے نقد اور آٹھ کروڑ روپے سے زیادہ قیمت کا سونا اور زیورات ضبط کیا ہے۔ الیکشن کمیشن کی ٹیموں نے اب تک ریاست میں 22.19کروڑ روپے قیمت کی شراب ضبط کی ہے۔سرکاری اعداد و شمار کے مطابق ٹیموں نے ساتھ ہی 1.71کروڑ روپے کی غیر قانونی رقم 8.17کروڑ روپے کی قیمت کا 37.63کلو گرام سونا اور دوسرے قیمتی دھات اور 3.5لاکھ روپے قیمت کے 35 کلو گرام منشیات ضبط کئے ہیں۔اس کے علاوہ3,650برٹش پاؤنڈ (تقریبا 3.11 لاکھ روپے) اور تقریباً 60,000روپے) بھی ضبط کئے گئے۔الیکشن کمیشن نے ووٹروں کو رشوت کے طور پر دینے کے لئے کالے دھن اور غیر قانونی فوائد پر پابندی لگانے کے لئے دوسرے مرکزی مبصرین کے علاوہ تقریباً100 انتخاباتی انسپکٹرز کو مقرر کیا ہے۔الیکشن کمیشن کے مطابق نگرانی ٹیموں نے تصدیق کرنے کے بعد 311کلو گرام صرافہ جاری کیا کیونکہ اس کا استعمال حقیقی زیورات کاروبار کے لئے گے۔182 رکنی ریاستی اسمبلی کے لئے دو مرحلے میں 9 اور 14 دسمبر کو الیکشن ہوں گے۔انتخابات کے نتائج 18 دسمبر کو آئے گا۔