فوج نے دراندازی کی کوشش کو بنایاناکام ،2 دہشت گرد سمیت 2 جوانوں کی بھی موت
سری نگر ، 30؍جولائی(ایس اونیوز/آئی این ایس انڈیا )فوج نے کشمیر کے کپواڑہ ضلع کے نوگام سیکٹر میں کنٹرول لائن(ایل او سی) کے پاس دراندازی کی ایک کوشش کو آج ناکام بناتے ہوئے دو دہشت گردوں کو مار گرایا، مہم میں دو جوان بھی ہلاک ہو گئے۔فوج کے ایک افسر نے بتایا کہ فوجیوں نے درمیانی شب کے دوران نوگام سیکٹر میں ایل او سی کے قریب مشکوک سرگرمیوں کو محسوس یا اوردراندازوں کا مقابلہ کیا۔افسر نے بتایا کہ مہم میں دو دہشت گرد مارے گئے۔انہوں نے بتایا مہم میں 2 جوان بھی ہلاک ہو گئے ، جبکہ ایک زخمی ہو گئے۔افسر نے بتایاکہ تصادم کی جگہ سے دو اے کے47 رائفل ایک یوبی جی ا یل اور جنگ سے متعلق دیگر اشیاء برآمد کی گئی ہیں ۔اس ہفتے یہ دوسری بڑی دراندازی کی کوشش ہے جسے فوج نے ناکام بنادیا ہے۔فوج نے 26؍جولائی کو دراندازی کی ایک اور کوشش کو ناکام بنادیا تھا جس میں چار دہشت گرد مارے گئے تھے اور ایک کو زندہ گرفتار کیا گیا تھا۔