ಹಾಸನ:  ವಿಧಾನಸಭೆ ಚುನಾವಣೆ ಅಭ್ಯರ್ಥಿಗಳ ಆಯ್ಕೆ ಪ್ರಕ್ರಿಯೆ ನಡೆಯುತ್ತಿದೆ ಏಪ್ರಿಲ್ ಪ್ರಥಮ ವಾರದಲ್ಲಿ ಪಟ್ಟಿ ಬಿಡುಗಡೆ ನಿರೀಕ್ಷೆ ಇದೆ ಎಂದು ರಾಜ್ಯ ಕೆ.ಪಿ.ಸಿ.ಸಿ. ಅಧ್ಯಕ್ಷ ಜಿ.ಪರಮೇಶ್ವರ್ ತಿಳಿಸಿದರು. ನಗರದಲ್ಲಿ ಸುಧ್ದಿಗಾರರೂಂದಿಗೆ ಮಾತನಾಡಿ ಹ್ಯಾರಿಸ್ ಸೇರಿ ಎಲ್ಲಾ ಹಾಲಿ ಶಾಸಕರಿಗೆ ಟಿಕೆಟ್ ನೀಡಲು ತೀರ್ಮಾನ ಮಾಡಲಾಗಿದೆ ಎಂದರು.

ಜೆಡಿಎಸ್ ಬಂಡಾಯ ಶಾಸಕರು ಮಾರ್ಚ್ 25 ರಂದು ಕಾಂಗ್ರೆಸ್ ಸೇರುವ ಸಾಧ್ಯತೆ ಇದೆ ಎಂದ ಅವರು ಇವಿಎಂ ಬಳಕೆ ಬಗ್ಗೆ ವಿರೋಧ ವ್ಯಕ್ತಪಡಿಸಿದ್ದ ಅವರು ಬ್ಯಾಲೆಟ್ ಪೇಪರ್ ಬಳಕೆಗೆ ಆಗ್ರಹಿಸಿದರು. ಬ್ಯಾಲೆಟ್ ಪೇಪರ್ ಉಪಯೋಗಸುವ ಬಗ್ಗೆ ಚುನಾವಣಾ ಆಯೋಗಕ್ಕೆ ಮನವಿ ಮಾಡಲಾಗುವುದು ಎಂದರು. ವೀರಪ್ಪಮೊಯ್ಲಿ ಟ್ವೀಟ್ ವಿಚಾರದ ಬಗ್ಗೆ ಅವರ ಪುತ್ರ ಹರ್ಷಮೊಯ್ಲಿಗೆ ಕಾರಣ ಕೇಳಿ ನೋಟಿಸ್ ನೀಡಲಾಗಿದೆ ಉತ್ತರ ಬಂದ ನಂತರ ಮುಂದಿನ ಕ್ರಮಕೈಗೂಳ್ಳಲಾಗುವುದು ಎಂದು ಸುಧ್ದಿಗಾರರಾ ಪ್ರಶ್ನೆಗೆ ಉತ್ತರಿಸಿದರು.

ಲಿಂಗಾಯತ ವೀರಶೈವ ಧರ್ಮ ಸಂಘರ್ಷದಲ್ಲಿ ಕಾಂಗ್ರೆಸ್ ಭಾಗಿಯಾಗಿಲ್ಲ ಎಂದು ಸ್ಪಷ್ಟಪಡಿಸಿದ ಪರಮೇಶ್ವರ್ ಇಬ್ಬರು ಸಚಿವರು ಕಾಂಗ್ರೆಸ್ ಪಕ್ಷ ಪ್ರತಿನಿಧಿಸುತ್ತಿಲ್ಲ ಎಂದು ಹೇಳಿದರು. ಅಶೋಖ್ ಖೇಣಿ ಸೇರ್ಪಡೆ ಬಗ್ಗೆ ಕೆಲವರು ವಿರೋಧ ಮಾಡಿರಬಹುದು ಆದರೆ ಈ ವಿಷಯದಲ್ಲಿ ಪಕ್ಷ ತೀರ್ಮಾನ ಕೈಗೊಂಡಿದೆ ಇದಕ್ಕೆ ಎಲ್ಲರೂ ಬದ್ಧ ರಾಗಿರಬೇಕು ಎಂದು ಪರೋಕ್ಷವಾಗಿ ಸಮರ್ಥಿಸಿ ಕೊಂಡರು. ರಾಹುಲ್ ಗಾಂಧಿ ಅವರ 3 ನೇ ರಾಜ್ಯ ಪ್ರವಾಸ ಮಾಚ್೯ 20 ರಂದು ಮಂಗಳೂರು ಆಗಮಿಸಿ ವಿವಿಧ ಸಭೆ ಹಾಗೂ ಸಾವ೯ಜನಿಕ ಸಮಾರಂಭದಲ್ಲಿ ಭಾಗವಹಿಸುವರು ಮಾಚ್೯ 21 ರಂದು ಚಿಕ್ಕಮಗಳೂರು,  ಹಾಸನ ಜಿಲ್ಲೆಯಲ್ಲಿ ಆಗಮಿಸಿ ಸಾವಜನಿಕ ಸಭೆಯಲ್ಲಿ ಭಾಗವಹಿಸಿವರು ಎಂದು ಪರಮೇಶ್ವರ್ ತಿಳಿಸಿದರು.

ಜನಮುಖಿ ಸಂಶೋಧನೆಗಳು ನಡೆಯಬೇಕು -ಡಾ:ಎ.ಎಸ್.ಕಿರಣ್ ಕುಮಾರ್

ಹಾಸನ : ದೇಶದಲ್ಲಿ ನಡೆಯುವ ಎಲ್ಲ ಸಂಶೋಧನೆಗಳು ಜನ ಸಾಮಾನ್ಯರ ಬದುಕಿಗೆ ನೆರವಾಗಿರಬೇಕು ಮತ್ತು ಜನಮುಖಿ ಸಂಶೋಧನೆಗಳು ನಡೆಯಬೇಕು ಎಂದು ಇಸ್ರೋ ವಿಶ್ರಾಂತ ಅಧ್ಯಕ್ಷರಾದ ಡಾ:ಎ.ಎಸ್.ಕಿರಣ್ ಕುಮಾರ್ ಕರೆ ನೀಡಿದರು. ಅವರು

ನಗರದ ಎ.ವಿ.ಕಾಂತಮ್ಮ ಮಹಿಳಾ ಕಾಲೇಜಿನಲ್ಲಿ ನಡೆದ ಕಾಲೇಜಿನ ರಜತ ಮಹೋತ್ಸವ ನೆನಪಿನ 25ನೇ ಉಪನ್ಯಾಸ ಕಾರ್ಯಕ್ರಮದಲ್ಲಿ "ಬಾಹ್ಯಾಕಾಶ ಕ್ಷೇತ್ರದಲ್ಲಿ ಭಾರತದ ಸಾಧನೆ" ಎಂಬ ವಿಷಯ ಕುರಿತು ಉಪನ್ಯಾಸ ನೀಡಿ

ಭಾರತ ಬಾಹ್ಯಾಕಾಶ ಕ್ಷೇತ್ರದಲ್ಲಿ ವಿಶ್ವವೇ ಅಚ್ಚರಿ ಪಡುವ ಸಾಧನೆ ಮಾಡಿದೆ ಇದು ಹೆಮ್ಮೆಯ ವಿಷಯವಾಗಿದೆ ಎಂದರು. ರಷ್ಯಾ ದೇಶವು ವಿಶ್ವದಲ್ಲಿ 37 ಉಪಗ್ರಹಗಳನ್ನು ಉಡಾಯಿಸಿ ದಾಖಲೆ ನಿರ್ಮಿಸಿತ್ತು ಭಾರತ ಏಕಕಾಲಕ್ಕೆ 104 ಉಪಗ್ರಹಗಳನ್ನು ಉಡಾಯಿಸುವ ಮೂಲಕ ಆ ದಾಖಲೆಯನ್ನು ಮುರಿಯುವುದರ ಜೊತೆಗೆ ವಿಶ್ವ ಮಟ್ಟದಲ್ಲಿ ತಮ್ಮ ಸ್ಥಾನವನ್ನು ಬಹಳ ಎತ್ತರಕ್ಕೆ ಕೊಂಡೊಯ್ದಿದೆ ಇದರಿಂದಾಗಿ ವಿಶ್ವದ ಅನೇಕ ದೇಶಗಳು ತಮ್ಮ ಉಪಗ್ರಹ ಉಡಾವಣೆಗೆ ಭಾರತವನ್ನು ಅವಲಂಭಿಸುವ ಸ್ಥಿತಿ ನಿರ್ಮಾಣಗೊಂಡಿದೆ ಎಂದು ತಿಳಿಸಿದರು.

ಪ್ರಸ್ತುತ ಭಾರತ ಉಡಾಯಿಸಿರುವ ಉಪಗ್ರಹಗಳಿಂದ ದೊರೆಯುತ್ತಿರುವ ನಿಖರವಾದ ಮಾಹಿತಿಯನ್ನು ಮತ್ತು ಚಿತ್ರಗಳನ್ನು ಸದ್ಬಳಕೆ ಮಾಡಿಕೊಂಡು ದೇಶದ ಕೃಷಿಕರು ಮತ್ತು ಮೀನುಗಾರರ ಜೀವನ ಮಟ್ಟ ಸುಧಾರಣೆಗೆ ಅಗತ್ಯ ಕ್ರಮ ಕೈಗೊಳ್ಳಬಹುದು ಎಂದು ಸಲಹೆ ನೀಡಿದರು. ನಾವು ಕೈಗೊಳ್ಳುವ ಉನ್ನತ ಮಟ್ಟದ ಸಂಶೋಧನೆಗಳು ದೇಶದ ಜನಸಾಮಾನ್ಯರ ಜೀವನ ಮಟ್ಟವನ್ನು ಸುಧಾರಿಸುವ ರೀತಿಯಲ್ಲಿರಬೇಕು ಎಂದು ಅಭಿಪ್ರಾಯಪಟ್ಟರು. ಭಾರತದ ಸಂಶೋಧನೆಯ ಕ್ಷೇತ್ರದಲ್ಲಿ ವಿದ್ಯಾರ್ಥಿ ವಿದ್ಯಾರ್ಥಿನಿಯರ ಪಾತ್ರ ಬಹಳ ಮಹತ್ತರವಾದ್ದು ಈ ನಿಟ್ಟಿನಲ್ಲಿ ಇನ್ನು ಹೆಚ್ಚಿನ ಶ್ರದ್ಧೆ ವಹಿಸಿ ಸಂಶೋಧನಾ ಕ್ಷೇತ್ರವನ್ನು ಬಲ ಪಡಿಸಲು ವಿದ್ಯಾರ್ಥಿಗಳು ಶ್ರಮಿಸಬೇಕು ಎಂದರು. ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದ ಸಂಸ್ಥೆಯ ಅಧ್ಯಕ್ಷರಾದ ಅಶೋಕ ಹಾರನಹಳ್ಳಿ ಮಾತನಾಡಿ ಡಾ:ಎ.ಎಸ್.ಕಿರಣಕುಮಾರ್ ಅವರ ಸಾಧನೆಯನ್ನು ಕೊಂಡಾಡಿದರು. ವಿದ್ಯಾರ್ಥಿಗಳಿಗೆ ಇಂಥವರು ಮಾದರಿಯಾಗಬೇಕು ಆಗ ಮಾತ್ರ ತಮ್ಮ ಬದುಕಿನಲ್ಲಿ ವಿಶಿಷ್ಟವಾದುದನ್ನು ಸಾಧಿಸಲು ಸಾಧ್ಯ ಎಂದು ಕಿವಿಮಾತು ಹೇಳಿದರು. ಡಾ:ಎ.ಎಸ್.ಕಿರಣ್‍ಕುಮಾರ್ ಅವರಿಗೆ ತವರಿನಲ್ಲಿ ಸಿಗುತ್ತಿರುವ ಸನ್ಮಾನಗಳು ಹೆಚ್ಚು ಸಂಭ್ರಮ ಪಡುವಂತಹ ಸಂಗತಿಗಳಾಗಿವೆ ಎಂದರು.

ಕಾಲೇಜಿನ ಪ್ರಾಂಶುಪಾಲ ಡಾ:ಎಂ.ಬಿ.ಆಶಾಲತ ದತ್ತಿ ಉಪನ್ಯಾಸ ಮಾಲೆಯ ಕುರಿತು ಪ್ರಾಸ್ತಾವಿಕ ನುಡಿಗಳನ್ನು ಆಡಿದರು. ಸಮಾರಂಭದಲ್ಲಿ ಸಂಸ್ಥೆಯ ಉಪಾಧ್ಯಕ್ಷ ಕೆ.ಎಂ.ಶಿವಣ್ಣ, ಕಾರ್ಯದರ್ಶಿಗಳಾದ ಆರ್.ಟಿ.ದ್ಯಾವೇಗೌಡ, ಡಾ:ಡಿ.ಸಿ.ಅರವಿಂದ್, ಪಾಶ್ರ್ವನಾಥ್, ಚೌಡವಳ್ಳಿ ಜಗದೀಶ್ ಇತರರು ಹಾಜರಿದ್ದರು. ಕು.ನಾದವಿ ತಂಡದವರು ನಾಡಗೀತೆ ಹಾಡಿದರು.