ಭಟ್ಕಳ: ಇಲ್ಲಿನ ತರಬಿಯತ್ ಎಜುಕೇಶನ್ ಸೂಸೈಟಿಯ ಶಮ್ಸ್ ಆಂಗ್ಲ ಮಾಧ್ಯಮ ಪ್ರೌಢಶಾಲೆಯ ವಿದ್ಯಾರ್ಥಿಗಳು ಧಾರವಾಡದಲ್ಲಿ ಜರಗುವ ಟಾಟಾ ಕನ್ಸಲ್ಟೆನ್ಸಿಯ ರೂರಲ್ ಐಟಿ ಕ್ವಿಝ್ ವಿಭಾಗೀಯ ಮಟ್ಟದ ಸ್ಪರ್ಧೆಗೆ ಆಯ್ಕೆಯಾಗಿದ್ದಾರೆ ಎಂದು ಮುಖ್ಯೋಪಾಧ್ಯಾಯ ಎಂ.ಆರ್.ಮಾನ್ವಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. 
ವಿದ್ಯಾರ್ಥಿಗಳಾದ ಕಾಶೀಫಿ ಮತ್ತು ವಲೀದ್ ಆಹಮದ್, ಇಸ್ಮಾಯಿಲ್ ಕಾಕಡೆ, ಬಾಸಿಮ್, ಫಹಿಂ, ಶಾಮ್ವಿಲ್ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದು ಕಾಶಿಫಿ ಮತ್ತು ವಲೀದ್ ರ ತಂಡ ವಿಭಾಗೀಯ ಮಟ್ಟಕ್ಕೆ ಆಯ್ಕೆಯಾಗಿದೆ. 
ಶುಕ್ರವಾರ ಬಾಲಮಂದಿರ ಪ್ರೌಢಶಾಲೆಯಲ್ಲಿ ಜಿಲ್ಲಾಮಟ್ಟದ ಐ.ಟಿ.ಕ್ವಿಝ್ ನಡೆಯಿತು. ಇದರಲ್ಲಿ ಜಿಲ್ಲೆಯ ೫೪ ತಂಡಗಳು ಭಾಗವಹಿಸಿದ್ದು ೧೨ ತಂಡಗಳು ವಿಭಾಗೀಯಮಟ್ಟಕ್ಕೆ ಆಯ್ಕೆಯಾಗಿವೆ. 
ಅಬ್ದುಲ್ ಸುಭಾನ್ ನದ್ವಿ ಐ.ಟಿ. ತಂಡದ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನ ನೀಡಿದ್ದರು. ವಿದ್ಯಾರ್ಥಿಗಳ ಸಾಧನೆಗೆ ಶಾಲಾ ಆಡಳಿತ ಮಂಡಳಿ ಮೆಚ್ಚುಗೆ ವ್ಯಕ್ತಪಡಿಸಿದೆ.