ایڈی یورپا کا بڑا فیصلہ۔شکاری پورہ کی سیٹ بیٹے کے لئے خالی کردینے کا اعلان، سیاست سے ابھی سنیاس نہیں لیں گے؟بیٹے کے حق میں بزرگ قائد کا اچھا فیصلہ: وشواناتھ

Source: S.O. News Service | Published on 23rd July 2022, 12:15 PM | ریاستی خبریں |

بنگلورو، 23؍جولائی (ایس او نیوز)سابق وزیراعلیٰ بی ایس ایڈی یورپا ریاستی بی جے پی میں اب بھی اہم مقام رکھتے ہیں، اس کے باوجود انہوں نے اپنی بڑھتی عمر کو محسوس کرتے ہوئے اپنے دوسرے بیٹے بی وائی وجیندرا کو سرگرم سیاست میں لانے کافیصلہ کرلیا ہے۔اپنے بیٹے کے لئے اپنا اسمبلی حلقہ شکاری پورہ کی سیٹ خالی کردینے کا آج باقاعدہ اعلان کردیا ہے۔آج انجانہ پورہ ڈیم میں باگینا پوجا کرنے کے بعد ایڈی یورپا نے یہ اعلان کیا۔ لیکن ایڈی یورپا نے ابھی یہ اعلان نہیں کیا کہ کیا وہ سرگرم سیاست سے سنیاس لے لیں گے؟ حالانکہ کل ہی انہوں نے اپنے ایک بیان میں کہا تھا کہ وہ کسی بھی صورت میں کرناٹک میں کانگریس کو اقتدا رپر آنے نہیں دیں گے اور یہ بھی کہا تھا کہ پارٹی کومضبوط بنانے ریاست کے کئی ایک اضلاع کا دورہ کریں گے۔حالانکہ ایڈی یورپا اپنی بڑھتی عمر کے ساتھ ضعیف اور کمزور بھی ہوگئے ہیں لیکن پیدل چلنے میں انہیں شاید تکلیف ہے، اس لئے لنگڑا کر چلتے ہیں۔اس لئے انہوں نے یہ سوچا ہوگا کہ ان کی حیات ہی میں دوسرے بیٹے وجیندرا کو سیاست میں پروان چڑھتا ہوا دیکھیں۔اسی لئے انہوں نے ریاست میں اسمبلی انتخابات سے 8ماہ پہلے اپنا اسمبلی حلقہ شکاری پورہ وجیندرا کے لئے خالی کرنے کا باقاعدہ اعلان کردیا ہے۔ اپنے باپ کے اس اعلان پر ردعمل ظاہر کرتے ہوئے وجیندرا نے کہا کہ وہ ہر محلہ پر اپنے باپ اور پارٹی کے فیصلے پر عمل کریں گے۔وہ اپنا اگلا فیصلہ ان کے والد کے بیان کی بنیاد پر کریں گے۔پارٹی کا ریاستی نائب صدر ہونے کے ناطے ان کا فرض ریاست بھر کا دورہ کرکے پارٹی کومضبوط بنانا ہے۔ انہوں نے پچھلے دنوں بھی پارٹی کو متحد کیا ہے۔ آئندہ بھی وہ پارٹی کو متحد اور مضبوط کریں گے۔شکاری پورہ کے پارٹی لیڈروں اور کارکنوں کے حوالے سے انہوں نے بتایاکہ وہ ان کے والد پر پچھلے ایک مہینہ سے دباؤ ڈال رہے تھے کہ مجھے سرگرم سیاست میں لایا جائے۔ایڈی یورپاسے واپس بنگلور آ کر ان پر دباؤ ڈالا تھا۔ اس طرح ان کے والد نے آج باقاعدہ اپنے فیصلہ کا اعلان کیا ہے۔انہوں نے بتایا کہ اس معاملے میں پارٹی کو بھی اپنا فیصلہ کرنا ہے۔ اس بنیاد میں اپنا اگلا فیصلہ کروں گا۔ انہو ں نے مزید کہاکہ اس معاملہ میں میرے والد پر دباؤ ڈالنے کا سوال ہی پیدا نہیں ہوتا۔ایک سوال کا جواب دیتے ہوئے وجیندرا نے کہاکہ ایڈی یورپا سیاست سے سبکدوش نہیں ہوئے ہیں۔سبکدوشی کا لفظ ان کے والد کی ڈکشنری میں نہیں ہے۔پچھلے دنوں بھی انہوں نے پارٹی کو جوڑنے اور مضبوط بنانے کا کام کیا تھااور آئندہ بھی یہ کام کریں گے۔حالانکہ پچھلے دنوں وزیراعلیٰ کے عہدہ سے مستعفی ہونے کے بعد بھی ایڈی یورپا نے یہی کہا تھا کہ وہ پارٹی کے لئے کام کریں گے۔ ان کے باپ کے بیان کو دہراتے ہوئے آج وجیندرا نے بھی اپوزیشن پارٹیوں کو چیلنج کرتے ہوئے کہا کہ ریاست میں واضح اکثریت کے ساتھ بی جے پی کوواپس اقتدار پر لے آئیں گے۔اس سلسلہ میں وہ ریاست بھر کا دورہ کریں گے۔ شکاری پورہ حلقہ خالی کردینے ایڈی یورپا کے فیصلہ پر ردعمل ظاہر کرتے ہوئے ریاستی وزیر جی سی مادھو سوامی نے کہاکہ یہ ایڈی یورپا کا فیصلہ ہے پارٹی کا نہیں۔ اس معاملے میں پارٹی نے ایڈی یورپا سے کچھ نہیں کہا ہے۔یہ ان کا اپنا ذاتی فیصلہ ہے، اس پر وہ زیادہ تبصرہ کرنا نہیں چاہتے۔

وجیندرا جوان ہیں:ایڈی یورپا کے فیصلہ پر تبصرہ کرتے ہوئے رکن کونسل ایچ وشواناتھ نے کہا کہ یہ سچ ہے کہ ایڈی یورپا80برس کے ہوچکے ہیں اور اس عمر میں سرگرم سیاست میں حصہ لینا مشکل ہے۔ انہیں پارٹی ٹکٹ دیا جانا بھی مشکوک ہے۔ان کے بیٹے وجیندرا جوان ہیں۔انہیں سرگرم سیاست میں آنا چاہئے۔وجیندرا کے حق میں ان کے والد کا یہ فیصلہ بہت اچھا ہے۔انہوں نے یہ بھی کہا کہ 75برس سے زیادہ عمر والوں کو بی جے پی ٹکٹ نہیں دے رہی ہے۔پچھلی مرتبہ ایڈی یورپا کو رعایت دی گئی تھی۔یہ ایڈی یورپا کو بھی معلوم ہے۔کس وقت کیا فیصلہ کرنا چاہئے ایڈی یورپا اچھی طرح جانتے ہیں۔

ایک نظر اس پر بھی

انکولہ - ہبلی ریلوے لائن منصوبہ : مرکزی حکومت کے وفد نے کیا مختلف مقامات کا معائنہ

ریاستی ہائی کورٹ کے حکم کے مطابق انکولہ - ہبلی ریلوے منصوبے پر عمل پیرائی کے سلسلے میں مثبت اور منفی پہلووں کا جائزہ لینے کے  مرکزی حکومت کے ایک وفد نے انکولہ اور یلاپور تعلقہ جات میں مختلف جنگلاتی علاقوں کا معائنہ کیا۔

صدر جمہوریہ دروپدی مرمو نے میسور و کے دس روزہ دسہرہ تقریبات کا افتتاح کیا

دوماہ کی تیاریوں کے بعد آج بروز پیر صدر جمہوریہ دروپدی مرمو نے میسور کے چامنڈی پہاڑ پر دس روزہ دسہرہ تقریبات کا چامنڈیشوری دیوی کی مورتی پر پھول نچھاور کرکے افتتاح کیا۔ پہلے صدر جمہوریہ نے چامنڈیشوری دیوی کے درشن کئے اور اس مندر کی تاریخ کے تعلق سے تفصیل سے جانکاری حاصل کی۔

ذہنی دباؤ بیسویں صدی کا ایک مہلک مرض؛ آئیٹا گلبرگہ کے ورک شاپ سے ڈاکٹر عرفان مہا گا وی کا خطاب

نئے دور کی شدید ترین بیماریوں میں ذہنی دباؤ اور اس سے پیدا ہونے والے اثرات کو مہلک امراض میں شمار کیا جاتا ہے ۔ روز مرہ کی مشینی زندگی میں ذہنی دباؤ  میں بہت زیادہ اضافہ ہوا ہے ۔ لیکن اس کو کیسے کم کیا جائے اس پر غور کر نے اور اس سلسلے میں کوشش کرنے کی ضرورت ہے ۔

پی ایف آئی پر ای ڈی اور این آئی اے کے کریک ڈاون کے بعد ایس ڈی پی آئی نے کہا؛ ایجنسیوں نے کبھی بھی آر ایس ایس اور اس سے منسلک تنظیموں پر چھاپہ نہیں مارا

 سوشیل ڈیموکریٹک پارٹی آف انڈیا (SDPI) کرناٹک یونٹ نے بنگلور میں اپنے ریاستی مرکزی دفتر میں ایک پریس کانفرنس کا انعقاد کرتے ہوئے الزام لگایا کہ ای ڈی اور این آئی اے نے کبھی بھی آر ایس ایس اور اس سے منسلک تنظیموں پر چھاپہ نہیں مارا بلکہ صرف پاپولرفرنٹ آف انڈیا کو ہی نشانہ بنایا ...