کرناٹکا میں کوروناکےمریضوں کی تعداد گیارہ ہزار کو پار کرگئی؛ ایک ہی دن 445 معاملات؛ بھٹکل کے ایک شخص کی رپورٹ مینگلور میں نکلی پوزیٹیو

Source: S.O. News Service | By I.G. Bhatkali | Published on 27th June 2020, 1:25 AM | ریاستی خبریں |

بھٹکل  26/جون (ایس او نیوز) کرناٹک میں کورونا کے معاملات تیزی سے بڑھتے ہوئے آج گیارہ کے ہندسے کو پار کرگئے جبکہ آج جمعہ کو ایک ہی دن 445معاملات سامنے آئے۔اُدھر مینگلور اسپتال میں ایڈمٹ بھٹکل کے ایک شخص کی رپورٹ کورونا پوزیٹیو آنے کی اطلاع موصول ہوئی ہے جو کچھ  دنوں سے بیمار تھے۔

آج کی ہیلتھ بلٹین میں پھر ایک بار بنگلور میں سب سے زیادہ کورونا کے معاملات سامنے آنے کی بات کہی گئی ہے اور یہاں آج ایک ہی دن 144 معاملات کی تصدیق ہوئی ہے مگر سب سے زیادہ تشویش کی بات یہ ہے کہ  ان معاملات میں صرف 14 لوگوں کے تعلق سے پتہ چلا ہے کہ اُنہیں کس کورونا مریض سے  رابطہ ہونے پر یہ مرض آیا ہے، جبکہ دیگر سو سے زائد لوگوں کے رابطے ہی نہیں مل پائے ہیں کہ اُنہیں کس کے رابطے میں آنے کی وجہ سے کورونا  لاحق ہوا۔

آج جمعہ کو ایک ہی دن کورونا سے  دس لوگوں  کی جانیں گئیں جس کے ساتھ ہی کرناٹک میں کورونا سے مرنے والوں کی تعداد بڑھ کر 180 ہوگئیں جس میں سب سے زیادہ اموات بنگلور سے ریکارڈ ہوئی ہیں۔ بتایا گیا ہے کہ اب تک بنگلور میں کورونا سے مرنے والوں کی تعداد بڑھ کر 81 ہوگئی ہے۔آج جن دس  لوگوں کی جانیں گئیں ہیں، اُن میں تین مریضوں کی عمر 40 کے لگ بھگ تھی جس میں  ایک 45 سالہ بنگلور کاشخص بھی شامل ہے جس میں کورونا کی کوئی علامت نہیں تھی۔

آج ایک ہی دن ریاست کے مختلف حصوں سے 246 لوگوں کو صحت مند ہونے پر اسپتالوں سے رخصت بھی کیا گیا ہے۔

مینگلور میں 33 نئے معاملات:  مینگلور میں جمعہ کو ایک ہی دن کورونا کے 33 نئے معاملات سامنے آئے ہیں جبکہ آج  34 لوگوں کو اسپتال سے چھٹی بھی دے دی گئی ہے۔ بتایا گیا ہے کہ آج جن لوگوں میں کورونا کے اثرات پائے گئے ہیں اُن میں 15 لوگ دمام (سعودی عربیہ) اور قطر سے لوٹے تھے اور انہٰیں منگلور میں کورنٹائن کیا گیا تھا۔ جبکہ دیگر لوگ دوسرے کوویڈ۔19 مریضوں کے ابتدائی رابطے میں رہنے کی وجہ سے  متاثر ہوئے ہیں۔ آج جن 33 لوگوں کی رپورٹ پوزیٹیو آئی ہے اُن میں ایک سابق رکن اسمبلی کی دُختر بھی شامل ہے جو بنگلور سے لوٹی تھی اور لوٹتے ہیں اسے کورنٹائن کیا گیا تھا۔

اُترکنڑا میں چھ معاملات:   آج ضلع اُترکنڑامیں کورونا کے چھ معاملات سامنے آئے ہیں اُس میں دو ہوناور، دو  یلاپور، ایک  ہلیال اور ایک انکولہ سے ہے۔

بھٹکل کے ایک مریض کی رپورٹ پوزیٹیو ہونے کی  خبر:   اس بیج مینگلور سے جمعہ دیر رات کو خبر موصول ہوئی ہے کہ  بھٹکل مین روڈ کے ایک  70 سالہ شخص جو کافی دنوں سے بیمار چل رہے تھے اور کل جمعرات کو  ہی  انہیں مینگلور کے ایک پرائیویٹ  اسپتال میں داخل کیا گیا تھا، اُن کی رپورٹ آج جمعہ کو کورونا پوزیٹیو نکلی ہے۔  ویسے تو آج کے ہیلتھ بلٹین میں ان کا تذکرہ نہیں ہوا ہے مگر کہا جارہا ہے کہ کل  سنیچر کے بلٹین میں تذکرہ ہوسکتا ہے۔

 

ایک نظر اس پر بھی

کورونا کی وبا اور دعوت رجوع الی اللہ، اس عنوان کے تحت جماعت اسلامی ہند، کرناٹک کی 15 روزہ مہم کا آغاز

  کورونا کی وبا سے اس وقت پوری انسانیت پریشان ہے۔ اس مرض کا مقابلہ کرنے کیلئے حفاظتی اور احتیاطی تدابیر اختیار کرتے ہوئے لوگ اپنے رب سے رجوع ہوں۔ کورونا جیسی بیماریوں پر قابو پانے کیلئے طبی علاج کے ساتھ روحانی اور اخلاقی طاقت کا ہونا بھی ضروری ہے۔

کرناٹک سے 40 امیدوار سیول سرویسز امتحان میں کامیاب

کرناٹک سے زائداز 40 امیدواروں نے 2019 کے یونین پبلک سرویس کمیشن (یو پی ایس سی ) سیول سرویس امتحان میں کامیابی حاصل کی اور اب آئی اے ایس ، آئی ایف ایس اور آئی پی ایس اور دیگر میں ملازمت حاصل کریں گے۔

ساحلی کرناٹکا میں موسلادھار بارش؛ انکولہ ۔یلاپور ہائی وے پانی میں ڈوب گیا؛ چلتی کار پرردرخت گرنے سے کاروار کا ایک شخص ہلاک؛ ہوناور کے ولکی میں پانی کمپاونڈوں میں گھس گیا

ساحلی کرناٹکا میں گذشتہ تین چار دنوں سے زوردار بارش کا سلسلہ جاری ہے جس کے نتیجے میں مختلف علاقوں سے نقصانات کی خبریں آرہی ہیں۔  یلاپور سے ملی اطلاع کے مطابق زبردست بارش کے نتیجے میں انکولہ۔یلاپور ہائی وے  پانی میں ڈوب  گیا ہے۔ یہ سڑک بند ہوجانے سے   انکولہ۔ ہبلی نیشنل ہائی ...