کرناٹک میں کیا آج ہو پائے گا فلور ٹیسٹ ؟ مزید دو ممبران اسمبلی پہنچے سپریم کورٹ

Source: S.O. News Service | By Shahid Mukhtesar | Published on 22nd July 2019, 11:49 AM | ریاستی خبریں |

بنگلورو،22؍جولائی (ایس او نیوز؍ایجنسی) کرناٹک اسمبلی انتخابات میں پیر کو ایک مرتبہ پھر کارروائی شروع ہوگی ۔ پیر کو ہی ریاست میں کانگریس اور جنتادل سیکولر کی حکومت کے مستقبل پر فیصلہ ہوسکتا ہے ۔ دوسری طرف ذرائع کے مطابق دو ممبران اسمبلی ایچ ناگیش اور آر شنکر فلور ٹیسٹ سے پہلے ہی سپریم کورٹ کا دروازہ کھٹکھٹا سکتے ہیں ۔ ممبران اسمبلی نے پیر کو شام پانچ بجے تک فلور ٹیسٹ کا عمل پورا کرنے کیلئے سپریم کورٹ کے مداخلت کا مطالبہ کرتے ہوئے عرضی داخل کی ہے ۔

ان کا دعوی ہے کہ حکمراں اتحاد اسمبلی کی کارروائی کو روکنے کیلئے تاخیر کی حکمت عملی اپنا سکتا ہے ۔ دوسری طرف بہوجن سماج پارٹی کے این مہیش نے کہا ہے کہ ان کے اعلی کمان نے تحریک اعتماد کے دوران نہ رہنے کیلئے کہا ہے ، اس لئے انہوں نے پیر اور منگل کو سیشن میں حصہ نہیں لینے کا فیصلہ کیا تھا ۔

حالانکہ ان کے بیان کے کچھ گھنٹوں بعد بی ایس پی سپریمو مایا وتی نے ٹویٹ کیا اور کہا کہ انہوں نے ممبر اسمبلی کو کمار سوامی کی حکومت کے حق میں ووٹ کرنے کی ہدایت دی ہے ۔ خیال رہے کہ کانگریس کے 13 اور جے ڈی ایس کے تین ممبران اسمبلیوں نے استعفی دیدیا ہے جبکہ آزاد ممبران اسبملی آر شنکر اور ایچ ناگیشن نے اتحادی حکومت سے اپنی حمایت واپس لے لی ہے ۔

کانگریس کے ایک رکن رام لنگ ریڈی نے کہا کہ وہ حکومت کی حمایت کریں گے ۔ حکمراں اتحاد کی طاقت 117 ممبران اسمبلی کی ہے ، جس میں کانگریس 78 ، جے ڈی ایس 37 ، بی ایس پی ایک اور اسپیکر کے علاوہ ایک نامزد رکن ہیں ۔

ایک نظر اس پر بھی

بنگلورو: نشے میں دھت شخص نے فٹ پاتھ پر 7 لوگوں کو کچل دیا

شراب کے نشے میں دھت ایک شخص نے بہت تیز رفتار کار فٹ پاتھ پر چڑھا دی اور فٹ پاتھ پر چل رہے 7 افراد اس کار کی زد میں آ گئے۔ زخمیوں کو فوراً اسپتال پہنچایا گیا اور خبر لکھے جانے تک ان لوگوں کی حلات نازک بنی ہوئی ہے۔ یہ واقعہ بینگلورو کے ایچ ایس آر لے آؤٹ علاقے کا ہے۔

سناتن سنستھا کی شائع کردہ کتاب نے ملزموں کو ایم ایم کلبرگی کے قتل پر اکسایاتھا۔ایس آئی ٹی نے کیا اپنی چارج شیٹ میں دعویٰ

تقریباً چار سال قبل مبینہ طور پر ہندوتوا وادی شدت پسندوں نے مصنف اور دانشور ایم ایم کلبرگی کاجو قتل کیا تھا اس کی تحقیقات کرنے والی خصوصی ٹیم (ایس آئی ٹی) نے چارج شیٹ داخل کردی ہے جس میں کہا گیا ہے کہ جس ملزم نے صحافی و دانشور گوری لنکیش کے گھر تک قاتل کو اپنی موٹر بائک پر پہنچایا ...

امیت شاہ کی ہری جھنڈی۔ریاستی کابینی میں منگل کو توسیع

ریاستی وزیراعلیٰ بی ایس ایڈی یورپا نے آج شام دہلی میں مرکزی وزیر برائے داخلہ امیت شاہ سے ملاقات کی۔ امیت شاہ نے آخر کار ریاستی کابینہ میں پہلے مرحلہ کی توسیع کے لئے گرین سگنل دے دیا ہے۔ پہلے مرحلہ میں 11تا13وزراء کو کابینہ میں شامل کیاجائے گا۔