کانپور انکاؤنٹر: وکاس دوبے کادوست گرفتار، کہا تھانے سے فون آنے کے بعدہوئی واردات

Source: S.O. News Service | Published on 5th July 2020, 10:06 PM | ملکی خبریں |

کانپور،5جولائی(آئی این ایس انڈیا) کانپور میں 8 پولیس اہلکاروں کے قتل کے معاملے میں پولیس کو بڑی کامیابی ملی ہے۔ قتل کیس کے مرکزی ملزم گینگسٹر وکاس دوبے کے ایک انعامی ساتھی کوکلیان پور میں تصادم کے بعد پولیس نے گرفتار کرلیا۔

ایڈیشنل سپرنٹنڈنٹ پولیس (مغربی) انل کمار نے بتایا کہ کلیان پور میں پولیس سے تصادم کے بعد دوبے کادوست دیا شنکر اگنی ہوتری کو گرفتار کرلیا گیا ہے۔ اس کی ٹانگ میں گولی لگی۔ دیا شنکر کو لالہ لاجپت رائے اسپتال میں داخل کرایا گیا ہے۔ دیاپر 25 ہزار روپے انعام تھا۔کانپور انکاؤنٹر کیس میں پکڑے گئے بدمعاش نے ایک بڑا انکشاف کیا ہے۔

 اسپتال پہنچے صحافیوں کے سامنے دیا شنکر نے بتایا کہ 2-3 جولائی کی رات کو بیکارو گاؤں میں پیش آنے والے واقعے سے پہلے اس کے آقا وکاس دوبے کے پاس چوبے پور پولیس اسٹیشن سے کسی کا فون آیا تھا۔ پولیس اسٹیشن سے فون آنے کے بعد اس نے پولیس سے براہ راست مقابلہ کرنے کیلئے اسے اور دوسرے ساتھیوں کو اپنے گھربلالیا تھا۔

ایڈیشنل سپرنٹنڈنٹ پولیس نے بتایا کہ پولیس کو اگنی ہوتری کی موجودگی کی اطلاع ملی تھی۔ پولیس نے کلیان پور-شوالی روڈ پر اگنی ہتری کو روکنے کی کوشش کی تو اس نے پولیس پر فائرنگ کردی، تاہم اس دوران ہونے والی فائرنگ میں کوئی پولیس اہلکار زخمی نہیں ہوا۔ جوابی فائرنگ میں بدمعاش کو پولیس کی گولی لگی اور اسے دوڑاکر پکڑلیاگیا۔

ایک نظر اس پر بھی

کورونا: ہندوستان میں ہلاکتوں کی تعداد 46 ہزار کے پار، 24 گھنٹے میں پھر 60 ہزار سے زائد کیسز درج

ہندوستان میں کورونا وائرس کے بڑھتے قہرکے درمیان اس جان لیوا وبا سے شفایابی حاصل کرنے والوں کی تعداد میں بھی تیزی سے اضافہ ہورہا ہے اور گذشتہ 24 گھنٹوں کے دوران 56 ہزار سے زیادہ افراد کی شفایابی کے بعد اب تک تقریبا 16.40 لاکھ صحت مند ہوئے ہیں۔