مغربی ایشیا کے تازہ بحران کے لئے امریکہ ذمہ دار: ایران

Source: S.O. News Service | Published on 13th January 2020, 1:00 PM | عالمی خبریں |

ماسكو،13/جنوری (ایس او نیوز/یو این آئی) ایران کے صدر حسن روحانی نے کہا ہے کہ مغربی ایشیا میں تازہ بحران کے لئے امریکہ ذمہ دار ہے اور خطے میں امریکہ کے ذریعہ کیے گئے جرم کی عالمی سطح پر کھل کر مذمت کی جانی چاہیے۔ صدر روحانی نے کہا کہ امن و سلاامتی کے لئے خطے کے ممالک کو مل کر کام کرنا چاہیے۔

صدر کے دفتر نے پریس ریلیز جاری کرکے کہا ہے کہ حسن روحانی نے سویڈن کے وزیر اعظم اسٹیفن لوفوین کے ساتھ ٹیلی فون پر گفتگو کے دوران یہ بات کہی۔ حسن روحانی نے کہا کہ ’’خطے کی تازہ صورت حال کے لئے امریکہ ذمہ دار ہے اور خطے میں امریکہ کی طرف سے کیے گئے جرم کی ہم سب کو واضح طور پر سخت مذمت کرنی چاہیے‘‘۔

حسن روحانی نے کہا کہ ایران کی جانب سے عراق میں واقع امریکی فوجی اڈوں پر حملہ اقوام متحدہ کے چارٹر کے آرٹیکل 51 کے تحت کیا گیا اور یہ جرم نہیں تھا۔ انہوں نے کہا کہ مغربی ایشیا کے بحران کا حل ایک دوسرے کی خود مختاری کا احترام کرتے ہوئے صرف خطے کے ممالک کی طرف سیاسی مذاکرات کے ذریعے ہو سکتا ہے۔ صدر نے کہا کہ ’’خطے میں امن و سلامتی بحال کرنے کے لئے ہم سب کو ساتھ مل کر کام کرنا چاہیے‘‘۔

سویڈن کے وزیر اعظم نے اسٹیفن لوفوین نے حسن روحانی کے ساتھ بات چیت کے دوران آٹھ جنوری کو یوکرین ہوائی حادثے پر دکھ کا اظہار کرتے ہوئے سویڈن سمیت تمام ممالک کے متاثرین کے اہل خانہ کے تئیں دلی تعزیت کا اظہار کیا۔ اس دوران پیر کے روز امریکی صدر ڈونالڈ ٹرمپ نے ٹوئٹ کر کے کہا کہ انہیں اس بات کی فکر نہیں ہے کہ ایران بات چیت کے لئے آگے آتا ہے یا نہیں۔ اس کے پہلے وائٹ ہاؤس کے قومی سلامتی کے مشیر رابرٹ وارین نے ایک نیوز چینل کو دیئے گئے انٹرویو میں کہا کہ امریکی پابندیوں کی وجہ سے ایران پر بہت دباؤ ہے اور اس کا دم گُھٹ رہا ہے۔ وہ آخر میں بات چیت کے لئے آگے آئے گا۔

امریکہ نے مغربی ایشیا کی صورتحال کے تعلق سے ترکی سے بھی بات چیت کی۔ امریکی صدر مائیک پومپيو نے ترکی کے وزیر خارجہ میولُٹ ساو اگلو سے مغربی ایشیا کے تازہ واقعات پر تبادلہ خیال کرتے ہوئے خطے کے حالات میں بہتری کے لئے شمالی اٹلانٹک معاہدہ تنظیم (نیٹو) کے کردار کی ضرورت کا اعادہ کیا۔ پومپيو نے شام میں امن کے عمل کے لئے امریکہ کے عزم کا اظہار کیا۔ ٹرمپ نے ہفتہ کے روز کہا تھا کہ ایران اپنے ملک میں پرامن مظاہرہ کر رہے لوگوں کو ہلاک نہ کرے۔ اسے جلد ہی اپنا یہ قدم روکنا چاہیے۔

ایران کی امركبير ٹیکنیکل یونیورسٹی کے سینکڑوں طالب علم ایران کی جانب سے داغے گئے میزائل کی وجہ سے بوئنگ 737۔800 ہوائی جہاز پر سوار کل 176 لوگ کے مارے جانے پر انہیں خراج عقیدت پیش کرنے کے لئے ہفتہ کو احتجاج کرکے دارالحکومت بغداد میں جمع ہوئے۔ جلد ہی یہ اجتماع ایک بڑی ریلی میں تبدیل ہو گیا اور لوگوں نے اشتعال انگیز نعرے لگائے اور امریکی ڈرون حملے میں مارے گئے اعلی فوجی کمانڈر قاسم سلیمانی کی تصویر مبینہ طور پر پھاڑی۔ پولیس نے مظاہرین کو منتشر کرنے کے لئے طاقت کا استعمال کیا تھا۔

واضح رہے کہ امریکی ڈرون حملے میں ایران کے اعلی کمانڈر کے مارے جانے کے بعد دونوں ممالک میں کشیدگی عروج پر پہنچ گئی ہے۔ ایران کی قیادت نے انتقام لیتے ہوئے عراق میں واقع دو امریکی فوجی اڈوں پر راکٹ داغے۔ امریکہ نے اگرچہ کہا تھا کہ اس حملے میں اس کا کوئی بھی نوجوان ہلاک یا زخمی نہیں ہوا ہے لیکن ایران کا دعوی تھا کہ کم از کم 80 امریکی فوجی ہلاک ہوئے ہیں۔

ایران کے اس قدم کے بعد امریکہ نے اس کے خلاف کئی نئی سخت پابندی عائد کردی ہیں۔ ایران نے اس کے بعد اتوار کے روز عراق کے صلاح الدین صوبے میں فوج کے بالد فضائی فوجی اڈے کو نشانہ بنا کر راکٹ حملے کیے جس میں کم از کم چار فوجی زخمی ہوئے گئے۔ اس حملے میں اگرچہ کسی بھی امریکی فوجی جانی نقصان کی فی الحال کوئی اطلاع نہیں ہے۔ اس سے پہلے امریکی فوج اس فوجی اڈے کو استعمال کرتی تھی۔ بالد فضائی فوجی اڈہ دارالحکومت بغداد سے تقریباً 90 کلو میٹر دور ہے۔

ایک نظر اس پر بھی

جرمنی: سی ایس یو کی طرف سے پہلا مسلمان میئر اُمیدوار

اسلام اور جرمنی کی سیاسی جماعت کرسچن سوشل یونین کے مابین تعلقات کو ایک حساس اور مشکل موضوع تصور کیا جاتا ہے۔ لیکن اب اسی جماعت نے میئر کی سیٹ کے لیے ایک 37 سالہ مسلمان امیدوار اوزان ایبش کا انتخاب کیا ہے۔ اس مسلمان امیدوار کا انتخاب میونخ کے شمال میں واقع قصبے 'نوئے فارن‘ کی سی ...

کولمبیا میں حکومت مخالف مظاہروں میں جھڑپیں 

کولمبیا کے دارالحکومت بوگوٹا کی شاہراہوں پر حکومت مخالف مظاہروں میں پولیس اور مظاہرین کے درمیان جھڑپوں میں کم از کم چار افراد زخمی ہوگئے، جن میں سے تین پولیس اہلکار تھے۔ منگل کے روز بوگوٹا سٹی ہال میں 20 مظاہروں کی اطلاع دی گئی، جن میں سے بیشتر کو پر امن بتایا گیا۔

انڈونیشیا میں پل گرنے سے9 افراد دریا میں ڈوب کرہلاک؛ 17 کو بچالیا گیا

انڈونیشی جزیرے سماٹرا میں پیدل چلنے والے افراد کے لیے بنائے گئے پل کے گرنے سے نو افراد دریا میں ڈوب گئے ہیں۔ کسی حد تک کمزور پل دریا میں آنے والے زوردار سیلابی ریلے کو برداشت نہ کر سکا۔ اس سیلاب کی وجہ اتوار انیس جنوری کو ہونے والی زور دار بارش تھی۔

آسٹریلیا میں شدید ژالہ باری اور طوفان باد و باراں 

مختلف آسٹریلوی علاقوں کو آج زوردار طوفانِ باد و باراں کے ساتھ ساتھ شدید ژالہ باری کا سامنا رہا۔ انتہائی تیز ہوا، شدید بارش اور ژالہ باری نے لوگوں کو مالی نقصان پہنچایا ہے۔ کم از کم دو افراد ژالے لگنے سے زخمی ہوئے ہیں اور انہیں ہسپتال پہنچا دیا گیا ہے۔

روسی شہر پرم میں گرم پانی کی پائپ لائن پھٹنے سے پانچ افراد ہلاک

روسی شہر پَرم میں شدید گرم پانی کی پائپ لائن پھٹنے سے کم از کم پانچ افراد کے ہلاک ہونے کی تصدیق کر دی گئی ہے۔ کھولتا گرم پانی ایک ہوٹل کی بیسمنٹ کے کمروں میں داخل ہو گیا اور ان کمروں میں ٹھہرے افراد گرم پانی کی لپیٹ میں آ گئے۔ تین دوسرے افراد گرم پانی سے جھلس گئے ہیں اور انہیں ...