ٹی آرایس کے رکن اسمبلی ایس راما لنگا ریڈی حیدرآباد کے ایک پرائیویٹ اسپتال میں چل بسے

Source: S.O. News Service | Published on 6th August 2020, 11:00 PM | ملکی خبریں |

حیدرآباد،6؍اگست (ایس او نیوز؍ایجنسی) تلنگانہ کی حکمران جماعت ٹی آرایس کے رکن اسمبلی ایس راما لنگا ریڈی علالت کے سبب جمعرات کی اولین ساعتوں میں شہر حیدرآباد کے ایک پرائیویٹ اسپتال میں چل بسے۔ ان کی عمر57 سال تھی۔ پسماندگان میں بیوی کے علاوہ ایک فرزند اور ایک دختر شامل ہیں۔ وہ دوباک اسمبلی حلقہ سے منتخب ہوئے تھے۔

ایس راما لنگا ریڈی گزشتہ چند دنوں سے صحت کے مسائل کے سبب وہ ایک پرائیویٹ اسپتال میں داخل کروائے گئے تھے جہاں انہوں نے علاج کے دوران آج صبح آخری سانس لی۔ چار مرتبہ کے رکن اسمبلی و سابق صحافی نے 2004 میں دوباک اسمبلی حلقہ سے پہلی مرتبہ اسمبلی میں نمائندگی کی تھی۔ 2008 کے ضمنی انتخاب میں وہ رکن اسمبلی منتخب ہوئے۔ 2018 کے اسمبلی انتخابات میں بھی وہ منتخب ہوئے۔ ان کی لاش آخری رسومات کے لئے دوباک منڈل منتقل کردی گئی۔

ایس راما لنگا ریڈی کی موت کی اطلاع پر دوباک اسمبلی کے افراد سکتہ میں آگئے۔ وہ وزیراعلی کے چندرشیکھرراو کے کافی قریبی سمجھے جاتے تھے، جنہوں نے علیحدہ ریاست تلنگانہ کی تحریک میں سرگرم حصہ لیا تھا۔ ان کی موت پر وزیراعلی نے گہرے دکھ کا اظہار کیا ہے۔ انہوں نے غمزدہ ارکان خاندان سے تعزیت کا اظہار کیا۔ ٹی آرایس کے بیشتر لیڈران اور وزرا نے بھی ان کی موت پر گہرے دکھ کا اظہار کیا۔

ایک نظر اس پر بھی

اپوزیشن کے 8ممبران پارلیمنٹ کی معطلی مرکزی حکومت کا اختلاف رائے سے عدم راوداری کا نمونہ۔ ایس ڈی پی آئی

 سوشیل ڈیموکریٹک پارٹی آف انڈیا (ایس ڈی پی آئی) کے قومی صدر ایم کے فیضی نے اپنے جاری کردہ اخباری بیان میں زرعی بل منطور کئے جانے کی مخالفت کرنے پر اپوزیشن کے 8اراکین پارلیمنٹ کو ایک ہفتہ کیلئے پارلیمنٹ کے مانسون اجلاس میں شرکت سے معطل کرنے کے اقدام کو جمہوریت مخالف قرار دیتے ...

بینکنگ ریگولیشن بل پر پارلیمنٹ کی مہر

 کوآپریٹو بینکوں کی بحالی اور نگرانی کے لئے ریزرو بینک آف انڈیا (آر بی آئی) کو زیادہ اختیارات دینے والے بینکنگ ریگولیشنز (ترمیمی) بل 2020 کو منگل کو راجیہ سبھا میں صوتی ووٹوں سے منظور کر لیا گیا۔