دبئی سے سکینڈ ہینڈ موبائل خریدنا بھٹکل کے نوجوان کو پڑگیا مہنگا؛ موبائل کو ٹریک کرتے ہوئے انڈور پولس پہنچی بھٹکل

Source: S.O. News Service | By I.G. Bhatkali | Published on 2nd February 2023, 3:22 PM | ساحلی خبریں | خلیجی خبریں | ان خبروں کو پڑھنا مت بھولئے |

بھٹکل 2 فروری (ایس او نیوز)  دبئی کی سکینڈ ہینڈ مارکٹ سے موبائل خریدنا بھٹکل کے ایک نوجوان کو اتنا مہنگا پڑگیا کہ انڈور پولس موبائل کو ٹریک کرتے ہوئے بھٹکل  پہنچ کر نہ صرف  نوجوان کو پولس تھانہ بُلا کر موبائل   ضبط کرلیا، بلکہ اُسے انڈور عدالت میں  پیش ہونے کے لئے بھی کہہ دیا کہ موبائل کے تعلق سے وہ عدالت میں آکر اپنی بات رکھے۔

قریب  چھ مہینہ قبل بھٹکل کے ایک نوجوان نے دبئی   مارکٹ پہنچ کر سکینڈ ہینڈ آئی فون موبائل خریدا تھا، چھ ماہ  تک موبائل کو دبئی میں استعمال کیا،  کوئی مسئلہ نہیں ہوا، مگر جیسے ہی نوجوان بھٹکل پہنچا اور بھٹکل پہنچ کر انڈیا کی سِم   موبائل میں داخل کی،  انڈور پولس کو مسیج پہنچ گیا کہ  اُن کے پولس تھانہ میں  جس موبائل کی چوری کی شکایت  درج ہوئی ہے، وہ موبائل انڈیا میں آن ہوگیا ہے۔

نوجوان نے ساحل آن لائن  دفتر پہنچ کر بتایا کہ اُس نے پانچ روز قبل ہی  موبائل میں انڈیا کا سِم داخل کیا تھا،  اور آج  انڈور پولس بھٹکل پولس کے ساتھ  سیدھے گھر پہنچ گئی اور میرے والد سے  میرے متعلق پوچھا کہ میں کہاں ہوں، میں دراصل اُس وقت گھر پر موجود نہیں تھا۔   پھر مجھے فون موصول ہوا اور پولس تھانہ آنے کے لئے کہا گیا، میں  اپنے بھائی اور دوست کے ساتھ پولس تھانہ پہنچا   تو  پتہ چلا کہ مدھیہ پردیش کے انڈور کی ریلوے پولس  بھٹکل پولس اسٹیشن پہنچی ہے ۔ اُن کا کہنا ہے کہ  میں جس موبائل کو استعمال کررہا ہوں وہ دو سال قبل یعنی 2021  میں  اندور ریلوے اسٹیشن پر چوری ہوگیا تھا، ایک مسافر نے ریلوے پولس میں شکایت درج کرائی تھی کہ سفر کے دوران کوئی اُس کا موبائل چھین کر فرار ہوگیا ہے۔

بھٹکل کے نوجوان نے  پولس کو حقیقت حال سے آگاہ کیا کہ  یہ موبائل اُس نے  دبئی کی سکینڈ ہینڈ  مارکٹ سے خریدا  تھا ، تو پولس نے پہلے تو موبائل کو اپنی تحویل میں لے لیا، پھر کہا کہ اُنہیں انڈور عدالت میں پیش ہونا ہوگا۔ 

ساحل آن لائن سے گفتگو کرتے ہوئے انڈور ریلوے پولس کے  اہلکار نے بتایا کہ  انڈور ریلوے پولس تھانہ میں  موبائل کی چوری کی شکایت درج ہوئی ہے اور موبائل کو اُسی وقت ٹریک پر ڈالا گیا تھا، ابھی حال ہی میں جیسے ہی پتہ چلا کہ یہ موبائل بھٹکل میں آن ہوگیا ہے تو ہم موبائل کی کھوج میں یہاں پہنچ گئے۔

چونکہ انڈیا میں چوری کے موبائل  بیچنا اور خریدنا  بے حد مشکل ہے اور پکڑے جانے کا  اندیشہ بہت زیادہ  ہے، اس لئے سمجھا جارہا ہے کہ چوری کئے ہوئے موبائل  دوسرے ممالک میں  روانہ کرکے فروخت کئے  جارہے ہوں گے۔  دبئی کی سکینڈ ہینڈ مارکٹ سے  انڈور سے چوری کیا ہوا موبائل کا پہنچنا اور اُس موبائل کی تلاش میں پولس کا بھٹکل آنا اس بات کی دلیل ہے کہ  سکینڈ ہینڈ موبائل کبھی بھی خریدنا نہیں چاہئے، یہ  آج نہیں تو کل   بہت بڑی مصیبت میں  پھنسا سکتا ہے۔ عوام کو اس تعلق سے  ہوشیار رہنے کی ضرورت ہے۔

ایک نظر اس پر بھی

بھٹکل میں بارش سے گھروں کو پہنچے نقصانات کا جائزہ لینے تنظیم وفد کا متاثرہ علاقوں کا دورہ

   ہفتہ عشرہ سے  بھٹکل میں جاری زور دار بارش کے نتیجے میں کئی علاقوں میں مکانوں کو نقصان پہنچا ہے، جس کا جائزہ لینے آج پیر کو قومی سماجی ادارہ مجلس اصلاح و تنظیم کے ایک وفد نے   صدیق اسٹریٹ، نستار اور مخدوم کالونی علاقہ کا دورہ کیا اور تنظیم کی جانب سے ہرممکن تعاون کا یقین ...

انکولہ لینڈ سلائیڈ: بھٹکل اسکول ٹیمپو ڈرائیورس یونین نے پہاڑی کا ملبہ ہٹانے والے عملے میں تقسیم کیا کھانا

   انکولہ لینڈ سلائیڈ کے بعد  کیرالہ کے ارجن سمیت تین لاپتہ لوگوں  کی کھوج کرنے والے سو سے زائد  عملہ کو  آج بھٹکل اسکول ٹیمپو ڈرائیورس  یونین کی طرف سے  دوپہر کا کھانا تقسیم کیا گیا اور  کیرالہ سے خصوصی طور پر    ملبہ ہٹانے کے لئے پہنچے لوگوں کی ہمت بندھائی۔

نیشنل ہائی وے کا غیر سائنٹفک کام - این ای سی ایف نے مرکزی وزیر گڈکری کو بھیجا شکایتی مراسلہ

نیشنل ہائی وے کے مختلف مقامات پر چٹانیں اور زمین کھسکنے کے جان لیوا حادثات کے لئے شاہراہوں کے غیر سائنٹفک توسیعی کام کو ذمہ دار قرار دیتے ہوئے نیشنل اینوائرنمنٹ کیئر فیڈریشن (ین ای سی ایف) نے مرکزی وزیر برائے بری نقل و حمل نتین گڈکری کئی اہم سرکاری افسران کو شکایتی مراسلہ بھیجا ...

عمر فاروق مصباح اور عتیق الرحمن منیری بھٹکل مسلم خلیج کونسل کے پھر ایک بار صدر اور سکریٹری جنرل منتخب

  عمر فاروق مصباح اور عتیق الرحمن منیری پھر ایک بار بالترتیب بھٹکل مسلم خلیج کونسل کے صدر اور سکریٹری جنرل کے عہدہ پر منتخب ہوگئے ان کے ساتھ  سکریٹری کے  طور پر  یاسر قاسمجی کا انتخاب عمل میں آیا، جبکہ  طٰحہ معلم اور مولوی صابر علی اکبرا بالترتیب اکاونٹنٹ اور خزانچی منتخب ...

عمان کے قریب سمندر میں بحری جہاز ڈوب گیا، جہاز میں سوار 13 ہندوستانیوں کا تاحال کوئی سراغ نہیں

عمان سے ایک بڑی خبر سامنے آئی ہے جس کے مطابق یمن کی طرف جانے والا آئل ٹینکر جہاز سمندر میں ڈوب گیا ہے۔ عمان کے میری ٹائم سیکیورٹی سینٹر کے مطابق اس آئل ٹینکر کا نام پریسٹیج فالکن بتایا جاتا ہے جس پر سوار عملے کے 16 ارکان کا تاحال کوئی سراغ نہیں مل سکا۔ اس تیل کے جہاز پر سوار عملے ...

حج کے دوران شدید گرمی کے باعث مکہ و حرم میں 550 سے زائد عازمین جاں بحق۔ عازمین لگارہے ہیں حج کمیٹی پر بدانتظامی کا الزام

عرب سفیروں کے حوالے سے میڈیا میں آ رہی خبروں کے مطابق امسال موسم حج کے دوران انتہا درجے کی گرمی کی وجہ سے 550 سے زائد زائرین حرم جاں بحق ہوگئے ۔      سعودی محکمہ موسمیات کے مطابق پیر کے دن حرم مکہ میں پارہ 51.8 ڈگری سیلسیس  (125 ڈگری فارن ہائٹ) تک پہنچ گیا تھا ۔

عرفات کے اہم ترین مقام’مسجد نمِرہ‘ کا تاریخی پس منظر

مسجد نمِرہ کا شمار عرفات کے میدان میں ایک اہم ترین مقام کے طور ہوتا ہے، یہاں ہر سال لاکھوں عازمین حج وقوف عرفہ کے روز رسول اللہ صلی اللہ علیہ وسلم کی پیروی کرتے ہوئے ظہر اور عصر کی نمازیں ایک وقت میں قصر کرکے پڑھتے ہیں۔

20 لاکھ خوش نصیب،سعادت حج سے مشرف

  دنیا بھر سے آئے مسلمانوں نے ہفتہ کے دن یہاں تپتی دھوپ میں وقوفِ عرفہ کیا۔ جبل ِعرفات کو جبل ِ رحمت بھی کہا جاتا ہے۔ وقوف ِ عرفہ‘ حج کا رُکن ِ اعظم ہوتا ہے جس کے ساتھ ہی حج کی تکمیل ہوجاتی ہے۔ یہ عازمین کے لئے نہایت یادگار ہوتا ہے۔ وہ اللہ سے گڑگڑاکر رحم کی‘ خوشحالی اور اچھی صحت ...

بہار کو نہیں ملے گا خصوصی ریاست کا درجہ!، مودی حکومت کے فیصلے پر کانگریس اور آر جے ڈی حملہ آور

کانگریس نے اپنے آفیشیل ’ایکس‘ ہینڈل پر ایک پوسٹ شیئر کیا ہے جس میں بتایا گیا ہے کہ مودی حکومت نے بہار کو خصوصی ریاست کا درجہ نہ دینے کا فیصلہ کر لیا ہے۔ ویڈیو کی شکل میں کیے گئے اس پوسٹ میں بتایا گیا ہے کہ بہار کی عوام لگاتار خصوصی ریاست کا درجہ دیے جانے کا مطالبہ کر رہے ہیں، ...

کیرالہ میں نپاہ وائرس سے لڑکے کی موت، مرکزی حکومت کا کثیر رکنی رسپانس ٹیم تعینات کرنے کا فیصلہ

  کیرالہ میں نپاہ وائرس سے 14 سالہ لڑکے کی موت کے بعد مرکزی حکومت حرکت میں آ گئی ہے۔ مرکز نے اقدام لیتے ہوئے ریاست میں اس معاملے کی تحقیقات، وبا پر قابو پانے اور تکنیکی تعاون کے لیے ایک کثیر رکنی رسپانس ٹیم کو تعینات کرنے کا فیصلہ کیا ہے۔

ہریانہ کے نوح میں ایک بار پھر انٹرنیٹ خدمات پر پابندی عائد

  ہریانہ کے ضلع نوح (علاقہ میوات) میں ریاستی حکومت نے 24 گھنٹے کے لیے موبائل انٹرنیٹ خدمات پر پابندی لگانے کا فیصلہ کیا ہے۔ حکومت کی جانب سے لیا گیا یہ فیصلہ اتوار کی شام 6 بجے سے نافذ العمل ہوگا اور یہ پابندی پیر کی شام 6 بجے تک جاری رہے گی۔