تریپورہ: بی جے پی سے ناراض ہوئی اتحادی پارٹی آئی پی ایف ٹی، لگائے کئی الزامات

Source: S.O. News Service | Published on 10th July 2020, 10:41 PM | ملکی خبریں |

اگرتلہ،10؍جولائی(ایس او نیوز؍یو این آئی) تریپورہ میں بھارتیہ جنتا پارٹی (بی جے پی) اور اس کی اتحادی پارٹی انڈیجینس پیپلز فرنٹ آف تریپورہ (آئی پی ایف ٹی) کے درمیان قبائلیوں کی ترقی کے مسائل کے سلسلے میں اختلافات بڑھتے ہی جا رہے ہیں۔ اس درمیان آئی پی ایف ٹی کی جانب سے تریپورہ قبائلی خود مختار ضلع کونسل (اے ڈی سی) کے ہیڈکوارٹر پر بلایا گیا 24 گھنٹے کا بند پر امن رہا اور آج صبح ختم ہو گیا۔ آئی پی ایف ٹی اپنے ایک اتحادی کی گرفتاری کی بھی مخالفت کر رہی ہے۔ یہ ہڑتال پر امن رہا اور اس دوران کوئی بھی نا خوشگوار واقعہ نہیں ہوا۔ آئی پی ایف ٹی کے رہنماؤں اور اراکین اسمبلی نے وزیر اعلیٰ بپلب کمار دیو کی قیادت والی سرکار کی تنقید کرتے ہوئے کہا کہ اگر حکومت قبائلیوں کی ترقی سے متعلق مسائل پر توجہ نہیں دے گی تو اتحاد ٹوٹ سکتا ہے۔

آئی پی ایف ٹی کے رکن اسمبلی برشکیٹو دیب برما نے جمعرات کو کھوملنگ میں حامیوں سے خطاب کرتے ہوئےکہا کہ بی جے پی اتحاد کے اصول و نظریات پر عمل درآمد نہیں کر رہی ہے اور غیر ضروری بیان دے کر عوام کو بے وقوف بنا رہی ہے۔ آئی پی ایف ٹی کے حامی قبائلیوں کی ترقی سے متعلق مسائل کو اٹھا رہے ہیں لیکن انھیں بلا وجہ پریشان کر رہی ہے۔

آئی پی ایف ٹی کے رہنما نے کہا کہ" تریپورہ حکومت میں اتحادی ہونے کے سبب عوام ہم سے بی جے پی کی جانب سے کیے گئے وعدوں کے بارے میں پوچھ رہے ہیں۔ بی جے پی نے الیکشن سے قبل بڑے بڑے وعدے کیے تھے جن پر عوام کی طرح ہم نے بھی یقین کر لیا تھا لیکن اب وہ جھوٹے ثابت ہو رہے ہیں۔ ہم رکن اسمبلی کے طور پر اپنے اپنے علاقوں میں مخالفت کا سامنا کر رہے ہیں۔ اراکین اسمبلی کے پاس کوئی طاقت نہیں ہے اور ایسا لگتا ہے کہ دھیرے دھیرے اقتدار کو "سینٹرلائزڈ" (مرکزیت) کیا جا رہا ہے"۔

آئی پی ایف ٹی کے رہنما نے کہا کہ قبائلی ترقی اور اے ڈی ایس کو مضبوط کرنے سے متعلق کئی وعدے کیے گئے تھے لیکن گزشتہ ڈھائی برسوں میں کچھ بھی نہیں ہوا ہے۔ پہاڑی علاقوں میں رہنے والے افراد کو کافی پریشانیوں کا سامنا کرنا پڑتا ہے۔ ریاست کے عوام صحت، تعلیم، عوامی خدمات اور لاء اینڈ آرڈر کی موجودہ صورتحال کے سلسلے حکومت سے کافی ناراض ہیں۔ ان سبھی چیزوں کے لیے آئی پی ایف ٹی کو ذمہ داد قرار دیا جا رہا ہے لیکن ہم اب یہ اور برداشت نہیں کریں گے۔ بی جے پی آئی پی ایف ٹی کو دیہی علاقوں میں کمزور کرنے کی کوشش کر رہی ہے۔ انہوں نے کہا کہ ہمارے حامیوں کو جھوٹے الزامات میں پھنسایا جا سکتا ہے۔ ہم حکومت سے جلد از جلد اپنے حامی پردیپ دیب برما کو رہا کرنے کا مطالبہ کرتے ہیں۔ پولیس نے ان پر بی جے پی دفتر پر حملہ کرنے کے بے بنیاد الزام میں پھنسایا ہے۔

ایک نظر اس پر بھی

کشمیر میں بی جے پی کارکنان کو ایک منصوبہ کے تحت نشانہ بنایا جارہا: الطاف ٹھاکر

 بی جے پی جموں و کشمیر یونٹ کے ترجمان الطاف ٹھاکر نے پارٹی کارکنوں پر ہونے والے حملوں کی شدید مذمت کرتے ہوئے کہا ہے کہ کشمیر میں بی جے پی کے کارکنوں کو ایک منصوبہ بند سازش کے تحت نشانہ بنایا جا رہا ہے۔

مرکزی حکومت کا ہتھیاروں کی درآمد پر پابندی کا فیصلہ ناقابل فہم: سوگت رائے

مرکزی حکومت کے ذریعہ 101ملٹری ہتھیاروں کی درآمدگی پر پابندی عاید کیے جانے پر ترنمول کانگریس نے سوال کھڑے کرتے ہوئے کہا ہے کہ یہ قدم اٹھانے سے قبل ملک میں اسلحہ سازی کی صلاحیت میں اضافہ کرنے کی ضرورت تھی اور اس کے لئے روڈ میپ تیار کیا جانا چاہیے۔

کشمیر: ڈاکٹر شاہ فیصل نے اٹھایا حیرت انگیز قدم، پارٹی کے صدارتی عہدہ سے دیا استعفیٰ

 کشمیری قوم کے لئے نیلسن منڈیلا بننے کی تمنا رکھنے والے 36 سالہ سابق آئی اے ایس افسر ڈاکٹر شاہ فیصل نے گزشتہ برس مارچ میں 'ہوا بدلے گی' نعرے کے تحت لانچ کردہ اپنی جماعت 'جموں و کشمیر پیپلز موومنٹ' کے صدارتی عہدے سے استعفیٰ دے دیا ہے۔ ان کی جگہ پر پارٹی کے نائب صدر فیروز پیرزادہ کو ...